Ankarada COMCEC işçi qrupunun iclası

1-2 iyun tarixində Ankarada İslam Əməkdaşlıq Təşkilatının İqtisadi və Ticarət Əməkdaşlığı üzrə Daimi Komitəsinin (COMCEC) işçi qrupunun 4-cü koordinasiya iclası keçirilib.

İclasda üzv ölkələrlə işçi qrupun gələcək fəaliyyət istiqamətləri, komitənin layihə maliyyələşdirilməsi mexanizmlərinin funksionallığı və təkmilləşdirilməsi, 2017-2019-cu illərdə turizm və digər sahələr üzrə işçi qrupunun əsas mövzuları və digər məsələlər müzakirə olunub.

İclasa 30-a yaxın ölkədən nümayəndələr qatılıb. Tədbirdə Mədəniyyət və Turizm Nazirliyi Turizm şöbəsinin böyük məsləhətçisi Cavid Abdullayev iştirak edib.

İclasda bu ilin sentyabr ayı ərzində elan ediləcək COMCEC-in 4-cü layihə çağırışının detallarına dair müvafiq təlim də keçirilib.

Mədəniyyət.- 2016.- 3 iyun.- S.4.