“Vergilər uşaqların gözü
ilə"
Rəsm müsabiqəsinin yekun
sərgisi
İyunun 1-də Tofiq İsmayılov adına Uşaq-Gənclər Yaradıcılıq Sarayının “Uşaq dünyası” qalereyasında Vergilər Nazirliyinin təşkilati dəstəyi ilə “Vergilər uşaqların gözü ilə" uşaq rəsm müsabiqəsinin yekun sərgisi açılıb.
Sarayın direktoru Bədayə Ramazanova müsabiqənin əhəmiyyətindən danışıb. Bildirib ki, müsabiqədə 5-8, 9-12 və 13-17 yaş kateqoriyalarına aid olan məktəblilər iştirak edib.
Vergilər Nazirliyinin idarə rəisi Mahir Rəfiyev bildirib ki, uşaq və gənclər arasında vergi biliklərinin artırılması və bu sahədə maarifləndirmə işlərinin genişləndirilməsinin vacibliyi nəzərə alınaraq 2003-cü ildən rəsm və inşa müsabiqəsi keçirilir. Bildirib ki, hər il rəsm müsabiqəsində iştirak etmiş əl işləri nəfis albom şəklində nəşr edilir və nazirliyin qatıldığı sərgi və tədbirlərdə nümayiş olunur. Mükafata layiq görülmüş rəsm əsərlərinin çoxu hazırda Vergilər Nazirliyinin inzibati binasının divarlarını bəzəyir.
Sonra tədbir
iştirakçıları sərgi ilə tanış olublar. Sərgi çərçivəsində
asfalt üzərində rəsmlər də
maraqla qarşılanıb. Sərgidə Melisa Ağamalıyeva birinci,
Nuray Həsənli isə ikinci
yerə layiq görülüb.
Digər qaliblərə də nazirliyin fəxri
diplomları təqdim olunub.
Mədəniyyət.- 2016.- 3 iyun.-
S.5.