Azərbaycan və Qazaxıstanın turizm təmsilçilərinin görüşü

Mədəniyyət və Turizm Nazirliyinin təşkilatçılığı ilə Azərbaycana turistlərin cəlb olunması, həmçinin Qazaxıstanın aparıcı turizm şirkətləri ilə ölkəmizdə fəaliyyət göstərən turizm şirkətləri arasında əməkdaşlığın genişləndirilməsi məqsədilə iyunun 5-də Qazaxıstanın aparıcı turizm şirkətlərinin nümayəndələri ölkəmizə tanışlıq səfərinə gəlib.

İyunun 7-də “Boulevard hotel”də Azərbaycan və Qazaxıstanın turizm təmsilçilərinin işçi görüşü (work shop) keçirilib. Görüşdə Mədəniyyət və Turizm Nazirliyinin Turizm şöbəsinin əməkdaşları Türkan İsmayılova və Aysel Əliməmmədova, 10-dan çox turizm şirkətinin nümayəndələri iştirak edib. Görüşün əvvəlində ölkəmizin turizm potensialına dair video təqdimat izlənilib.

Tədbirdə turist mübadiləsinə dair danışıqlar aparılıb və gələcək əməkdaşlıq perspektivləri müzakirə olunub.

İyunun 11-dək davam edəcək səfər çərçivəsində qonaqlar paytaxt Bakı ilə yanaşı, Qəbələ, Naftalan, Gəncə və Şəkiyə səfər edərək bu regionların turizm potensialı ilə yaxından tanış olacaqlar.

Mədəniyyət.- 2016.- 8 iyun.- S.2