İstirahət mərkəzində səyyar kitabxana xidməti

Yay mövsümü ilə əlaqədar ecazkar gözəlliklər diyarı olan Qəbələ rayonunda turistlər və yerli sakinlərin istirahətini daha maraqlı etmək üçün müxtəlif tədbirlər təşkil olunur.

“Qəbələnd” istirahət və əyləncə mərkəzində təbiətin qoynunda qonaqlara göstərilən səyyar kitabxana xidməti də bu qəbildəndir. Tədbirin məqsədi istirahətə gələnləri müxtəlif nəşrlərlə tanış etmək, həmçinin kitabxanalara daha çox oxucu cəlb etməkdir.

Xidmət zamanı tariximiz, mədəni irsimiz haqqında nəşrlər və bədii ədəbiyyat olmaqla 300-dən çox kitab nümayiş olunur. İstirahət və əyləncə mərkəzinin qonaqlarına Azərbaycan ədəbiyyatı ilə yanaşı, xarici ədəbiyyat nümunələri və uşaq ədəbiyyatı təqdim olunur.

Mədəniyyət.- 2016.- 22 iyun.- S.7.