Ukraynalı opera solisti Bakı səhnəsində

Oktyabrın 16-da Azərbaycan Dövlət Akademik Opera və Balet Teatrında C.Verdinin “Traviata” operasının tamaşası keçiriləcək. Tamaşada Jermon partiyasını Ukrayna Milli Operasının aparıcı solisti, bu ölkənin Əməkdar artisti, vokalçıların beynəlxalq müsabiqələrinin laureatı Dmitri Qrişin ifa edəcək.

Operada həmçinin Azərbaycanın Xalq artisti Əli Əsgərov, əməkdar artistlər İnarə Babayeva, Fərid Əliyev, Əkrəm Poladov və gənc vokalçı Nina Makarova çıxış edəcək. Tamaşanın dirijoru beynəlxalq müsabiqələr laureatı Əyyub Quliyevdir.

Mədəniyyət.- 2016.- 14 oktyabr.- S.2.