“Türkiyədən Azərbaycana turizm səfərlərini təşviq etmək
lazımdır”
Türkiyənin əsas kurort bölgələrindən olan Dənizli həm də burada keçirilən festivallarla tanınır. Bölgənin turizm və mədəniyyət imkanları bir-birini tamamlayaraq onun daha geniş təbliğinə zəmin yaradır. 2-7 oktyabr tarixində Türk Hava Yolları, "NG Hotel Group", "Nobel" Tibb Mərkəzi və "Kaya Termal"ın dəstəyi, Azərbaycan Sağlamlıq və Termal Turizmə Dəstək Assosiasiyasının təşkilatçılığı ilə Türkiyədə səfərdə olan Azərbaycanın turizm və media təmsilçilərinin Dənizli bölgəsi ilə tanışlığı zamanı da bu məqamlar önə çəkildi. Biz də fürsətdən istifadə edib Dənizli valisi Ahmet Altıparmakla həmsöhbət olduq. Vali öncə söhbətə Azərbaycana ilk səfərindən, ölkəmizə sevgisindən bəhs etdi.
- Dənizlidən öncə Muğla və Antalya kimi önəmli bölgələrdə vali vəzifəsində çalışırdım. Həmin dövrdə Azərbaycan xalqının ümummilli lideri Heydər Əliyev Muğlaya gəlmişdi, onun bizimlə görüşü, bölgə ilə tanış olması yaddaşımda zəngin xatirələrlə qalıb. Azərbaycana isə ilk dəfə 2009-cu ildə getmişəm. O vaxta qədər qardaş ölkə haqqında ümumi məlumatlarım var idi. Azərbaycanda olmaq, oranı gəzməyi, görməyi çox istəyirdim.
- Bakıya nə ilə bağlı səfər etmişdiniz?
- 2009-cu ildə Bakıda bir
turizm sərgisinə qatıldıq. O zaman mən Muğla valisi idim. İçərişəhərdə hoteldə qalırdıq.
Gecə sahili, qədim şəhərin küçələrini
dolaşdıq. Bakıda məni
ən çox təsirləndirən dilin
sadəliyi idi. Bu baba, nənələrimizin,
analarımızın danışdığı
dil idi. Qulağa elə doğma gəlirdi ki, sanki şeir söyləyirdilər. Bakıdakı Ədəbiyyat Muzeyi də məni çox təsirləndirdi.
Orda hər bir ədəbiyyat
adamının heykəli
qoyulmuşdu. Bakıdan sonra
Naxçıvana getdik
və Naxçıvan
Muxtar Respublikası
Ali Məclisinin sədri
ilə görüşümüz
oldu. Orda da muzeyləri,
görməli yerləri
gəzdik. Onu da deyim ki, mən
Ərzurum valisi işləyərkən Naxçıvanla
sıx əlaqəmiz
vardı. Hətta Naxçıvan
Muxtar Respublikasının
yaradılmasının ildönümü
günündə Ərzurumdan
Mehter orkestrini ora yollamışdıq.
Onların ifası hər
kəsin xoşuna gəlmişdi. Musiqi,
mədəni irs, incəsənət
insanları birləşdirən
körpülərdir.
- Mədəniyyətdən söz
düşmüşkən, Türkiyənin bir çox bölgələrini
həm də onun festivalları tanıdır. Dənizlini təqdim edən
hansı festivallardır?
- Təbii ki, Türkiyənin bütün
bölgələrində olduğu
kimi, Dənizlidə də belə festivallar keçirilir. Ümumiyyətlə, Dənizli Türkiyədə
əl-üz dəsmalları,
xalatları (hamam xalatı) ilə məşhurdur. Bununla bağlı
festival keçiririk. Bundan başqa,
“Üzüm festivalı”
keçiririk. “Qoyunları sudan keçirmə” adlı maraqlı bir xalq ənənəsinə
bağlı festivalımız
da var.
- Dənizli hazırda nə kimi turizm
imkanlarına malikdir?
- Təxminən 3 aydır ki, Dənizliyə vali təyin olunmağıma baxmayaraq, buranı çoxdan tanıyıram. Çünki daha əvvəl
də Antalya və Muğlada çalışdığım
üçün bu bölgədə turizmi çox fərqli ölçüləriylə görmə
və araşdırma
imkanım oldu. Pamukkale, sizin də gördüyünüz
kimi, çox fərqli bir gözəlliyə sahibdir.
Ətrafındakı antik
dövr xarabalıqları,
qədim tikililərin
qalıqları bu yerlərin miladdan əvvəl başlayıb
miladdan sonra da Səlcuqlu və Osmanlı dövrləri ilə bağlı böyük bir tarixi irsə,
necə deyərlər,
ev sahibliyi
edib. Buralar qədim dövrdən
termal suyun səhiyyə sahəsində
istifadə edildiyi bölgələrdir. Hierapolis
və Laodikya eyni zamanda parça
istehsalı mərkəzləridir.
Çünki Hierapolis nekropolundan bəhs edilən bir yazıda bu bölgənin çox əhəmiyyətli
bir tekstil mərkəzi olduğu qeyd edilir. Bir sözlə, bölgə parça istehsalında keçmişdə də
Türkiyə və dünyada çox əhəmiyyətli yerlərdən
birini tutub. Bu baxımdan, Dənizli
həm sağlamlıq
turizmi, həm də mədəniyyət
turizmi ilə geniş imkanlara malikdir. Eyni zamanda Türkiyədə
turizmə böyük
vəsaitlər qoyulur,
yatırımlar edilir,
turizm təsisləri hava limanlarına yaxın yerlərdə salınır.
- Azərbaycanda fəaliyyət
göstərən turizm
şirkətləri, o cümlədən
sağlamlıq turizmi
obyektləri nümayəndələrinin
bölgəyə səfərini
və onlarla keçirdiyiniz toplantının
nəticələrini necə
dəyərləndirirsiniz?
- Düşünürəm ki,
Türkiyə ilə Azərbaycan arasında bu sahədə qurulan əməkdaşlıq
çox əhəmiyyətli
olacaq. Bildiyimə görə, Azərbaycanın
əhalisi 10 milyon nəfərə yaxındır.
Türkiyədə hər
il təxminən
bu qədər insan xarici ölkələrə
səyahətə çıxır.
Onun 10-20
faizi ölkənizə
cəlb edilsə, bu, Azərbaycanın turizm iqtisadiyyatına çox böyük töhfə verər.
Burada insanlar özləri tur təşkil edib müxtəlif ölkələrə gedirlər.
Azərbaycan turizm nümayəndələri
ilə keçirdiyimiz
görüşü çox
yüksək dəyərləndirirəm.
Lakin Azərbaycana gələn turist sayının artması üçün
sizin turizmçilər
tərəfindən etibarlı
tərəfdaşlarla burada
yaxşı təqdimatlar
keçirilməsi, buradan
Azərbaycana turizm səfərlərinin təşviq
edilməsi lazımdır.
M.Sultanova
Ankara
Mədəniyyət.- 2016.- 19
oktyabr.- S.12.