“Sarı gəlin” tamaşası nümayiş olunub
Oktyabrın 27-də Azərbaycan Dövlət Akademik Milli Dram Teatrında Gənclər və İdman Nazirliyinin təşkilatçılığı ilə “Sarı gəlin” tamaşası nümayiş olunub.
Əvvəlcə qonaqlar teatrın foyesində “Azərbaycan musiqisi tarixinə səyahət” adlı sərgi ilə tanış olublar. Sərgidə qədim və milli geyimlərlə yanaşı, milli ornamentli xalçalarımız və tətbiqi sənət nümunələri nümayiş olunub.
Sonra “Sarı gəlin” mahnısının tarixçəsi haqqında hazırlanmış videoçarx təqdim edilib. Videoçarxda “Sarı gəlin” layihəsinin elmi rəhbəri, AMEA Tarix İnstitutunun direktoru, akademiyanın müxbir üzvü Yaqub Mahmudov və Ü.Hacıbəyli adına Bakı Musiqi Akademiyasının elmi işlər üzrə prorektoru, professor Gülnaz Abdullazadənin mahnının yaranma tarixi barədə təqdim etdikləri faktlar müsahibə şəklində diqqətə çatdırılıb.
Daha sonra
150-dək tələbə və aktyorun
iştirakı ilə hazırlanmış “Sarı gəlin”
tamaşası nümayiş olunub. Yüksək zövqlə səhnələşdirilən
tamaşa üçün
rəngarəng dekorasiyalar
hazırlanıb. Səhnə əsəri böyük
maraqla qarşılanıb.
Tamaşanın rejissoru Əməkdar artist Nicat Kazımovdur.
Mədəniyyət.- 2016.- 28
oktyabr.- S.2.