“Əli
və Nino” filmi Los-Ancelesdə nümayiş etdirilib
Heydər
Əliyev Fondunun vitse-prezidenti Leyla Əliyevanın layihə rəhbəri və icraçı prodüseri
olduğu “Əli və Nino” bədii filmi ABŞ-ın Los-Anceles şəhərində
keçirilən Asiya
Dünya Film Festivalı
(Asian World Film Festival) çərçivəsində
sənətsevərlərə təqdim edilib.
Oktyabrın 24-də festivalın açılış
filmi kimi nümayiş etdirilən
film tamaşaçılar tərəfindən
böyük maraqla qarşılanıb.
Azərbaycanın Los-Ancelesdəki baş
konsulluğunun dəstəyi
ilə keçirilən
nümayişdə Hollivud
kino sənayesinin tanınmış nümayəndələri,
“Oskar” və “Emmi” mükafatçıları, kinoprodüserlər,
rejissorlar, aktyorlar iştirak ediblər. “Əli və
Nino” filminə böyük
ictimai maraq festival təşkilatçılarının ikinci kinozalı açaraq tamaşaçıların
ixtiyarına verməsinə
səbəb olub.
Filmdə Əli rolunun
ifaçısı Adam Bakri
də mərasimdə
iştirak edib.
Azərbaycanın Los-Ancelesdəki baş konsulu Nəsimi Ağayev çıxış
edərək ölkəmizin
müasir tarixi, XX əsrdə iki dəfə müstəqillik
əldə etməsi,
müsəlman dünyasında
ilk dünyəvi demokratik
respublika qurması barədə danışıb. “Əli və Nino” əsərinin tarixi və mənəvi dəyərlərindən danışan
diplomat bildirib ki, bu əsər nəinki iki gəncin ülvi məhəbbətindən, eləcə
də Azərbaycan xalqının müstəqillik
uğrunda apardığı
mübarizədən, ölkəmizin
qədim tolerantlıq
ənənələrindən bəhs edir.
Hər il “Qızıl qlobus” mükafatının
sahiblərini müəyyənləşdirən
nüfuzlu Hollivud Xarici Mətbuat Assosiasiyasının rəsmi
tərəfdaşlar olduğu
festivalın açılış
filmi kimi “Əli və Nino” filminin seçilməsinin
təqdirəlayiq hal olduğunu qeyd edən N.Ağayev vurğulayıb ki, bu, filmin yüksək
keyfiyyətinin və dəyərinin bariz göstəricisidir.
Festivalın direktoru Corces Çemçoum isə çıxışında bildirib:
"Festivalın açılışını
"Əli və
Nino" filminin nümayişi
ilə açmağı
qərara aldıq. Hesab edirik ki, bu
film festivalın ruhunu
və məqsədini
özündə əks
etdirir. Filmdə mədəniyyətlərindəki
fərqlərə baxmayaraq
iki gəncin sevgisindən bəhs olunur. Onların sevgi hekayəsi
I Dünya müharibəsi
və Azərbaycan xalqının müstəqilliyi
uğrunda mübarizəsi
fonunda cərəyan edir”.
Qeyd edək
ki, Asiya Dünya Film Festivalına
51 ölkədən ekran
əsərləri təqdim
olunub. Burada Asiya ölkələrinin
müxtəlif mədəniyyətini
özündə əks
etdirən filmlər nümayiş olunur.
Festivalın münsifləri ABŞ, Böyük
Britaniya, İtaliya, Rusiya, Yeni Zelandiya,
İordaniya və Nigeriyadan kino mütəxəssisləridir. Qaliblərin adları
noyabrın 1-də elan
ediləcək və
"Dağ aslanı"
(“The Mointain Lion”) mükafatı
təqdim olunacaq.
İlona Qubadova
Mədəniyyət.- 2016.- 28
oktyabr.- S.16.