Kukla Teatrı yubiley
mövsümünə hazırlaşır
Bu il 85 yaşını qeyd edən Abdulla Şaiq adına Azərbaycan Dövlət Kukla Teatrı özünün yubiley mövsümünə hazırlaşır. Sentyabrın 1-də teatrda keçirilən iclasda yeni mövsümün yaradıcılıq planları müzakirə olunub.
Bu barədə danışan teatrın direktoru Rəşad Əhmədzadə mövsümə sentyabrın 9-da start veriləcəyini deyib. Teatr sentyabrın 15-dən 24-dək keçiriləcək “Üç məkan” II Şəki Beynəlxalq Teatr Festivalında da təmsil olunacaq. Festivalda teatrın uğurlu səhnə nümunələrindən olan “Zəng” tamaşası göstəriləcək.
İlin sonunadək daha iki yeni səhnə əsəri - teatrın baş rejissoru Qurban Məsimovun quruluşunda Ş.Perronun “Qırmızıpapaq” və rejissor Anar Məmmədovun quruluşunda S.Sveyqin “Yad qadının məktubu” əsəri əsasında “Unudulmuş kukla” tamaşaları təqdim olunacaq.
Direktor
çıxışının sonunda səhhəti
ilə əlaqədar ciddi problemlər yaşayan teatrın aktyoru
Rəhim Rəhimovla da bağlı məlumat
verib, Heydər Əliyev Fondunun
aktyorun müalicəsinə dəstək verdiyini bildirib. Həmkarları
qarşısında ürək sözlərini
bölüşən R.Rəhimov müalicəsində
yardımçı olan hər kəsə
təşəkkür edib.
Mədəniyyət.- 2016.- 2
sentyabr.- S.3.