Britaniya qəzeti Azərbaycanın turizm potensialı haqqında
Britaniyanın “The Telegraph” qəzetində məşhur
səyyah, yazıçı
Hazel Pluşun Azərbaycanın
turizm potensialından bəhs edən geniş məqaləsi dərc olunub.
“Azərbaycan haqqında
möhtəşəm faktlar”
sərlövhəli məqalədə
ölkəmizin milli mətbəx nümunələrindən
söz açılır,
Azərbaycanın dünyada
ilk insan məskənlərindən
biri olduğunu qeyd edilir.
Ölkəmizin səfalı guşəsi
Qarabağdan bəhs edən müəllif bu ərazinin hazırda münaqişə
zonası olmasına baxmayaraq beynəlxalq səviyyədə Azərbaycan
ərazisi kimi tanındığını vurğulayır. Diqqətə çatdırılır ki,
Qarabağ atları dünyada nadir cinslərdəndir.
Azərbaycan çayından bəhs
edən Hazel Pluş ölkəmizdə insanların
çay içməyi
xoşladığını qeyd edir.
Ölkəmizin təbii sərvətləri
barədə yazan müəllif məşhur
səyyah Marko Polonun əsərlərində Azərbaycandakı
“Yanardağ” haqqında
məlumat verildiyini bildirir.
Yazıda Azərbaycan mədəniyyətinin,
xüsusilə xalçaçılığın, musiqinin, incəsənətin inkişafı ilə
bağlı fikirlərə də yer verilib.
Mədəniyyət.- 2016.- 2
sentyabr.- S.5.