“Respublikaların sərvətləri”
“MİR” telekanalında silsilə
proqramın ilki Azərbaycana həsr olunub
Sentyabrın 3-dən “MİR” telekanalında “Respublikaların sərvətləri” silsilə proqramı yayımlanmağa başlanacaq. Proqramda keçmiş SSRİ respublikalarından söhbət açılacaq. Hər respublikanın qədim irsi, musiqisi, mətbəxi və məişəti onun haqqında assosiasiya yaradır.
“MİR” Dövlətlərarası Teleradio Şirkətindən bildirilib ki, birinci veriliş multimədəni və koloritli Azərbaycana həsr edilib.
Sovet Azərbaycanı və indiki Azərbaycan haqqında, habelə respublikanın paytaxtı Bakı haqqında rejissor Yuli Qusman, “Nə? Harada? Nə vaxt?”ın bilicisi Rövşən Əsgərov və əslən Bakıdan olan başqa məşhurlar söz açacaqlar. Tamaşaçılar proqram əsnasında Bakının küləklər şəhəri adlandırılmasının, SSRİ-nin bu çoxmillətli şəhərinin “Brilyant əl”, “Amfibiya adam”, “Qorxma, mən səninləyəm” kimi məşhur sovet filmlərinin çəkiliş məkanına çevrilməsinin səbəblərini öyrənəcəklər.
Bakı pomidoru dünyada məşhurdur, lakin
Bakı cazı haqqında nə bilirik? Azərbaycan
dünyanın neft paytaxtıdır, yoxsa xalça
paytaxtıdır? Azərbaycan mətbəxi hansı xörəklərdən
ibarətdir və Xəzər sahilində
sağlamlığı bərpa etmək olarmı? “MİR”
telekanalının tamaşaçıları bu
və digər sualların cavablarını şənbə günü öyrənə biləcəklər.
Mədəniyyət.- 2016.- 2
sentyabr.- S. 14.