“Retro Bakı”
layihəsinin konsertləri
davam edir
“Retro mahnılar
heç zaman yaddan çıxmır, ötən dövrün musiqiləri insanda nostalji hislər oyadır”
Bu ilin yay aylarında Bakıda həm şəhər sakinlərinin asudə vaxtlarının səmərəli
təşkil olunması,
həm də turistlərə Azərbaycan
mədəniyyətini tanıtmaq
üçün bir neçə mədəni
layihəyə start verildi. Belə layihələrdən
biri - Mədəniyyət
və Turizm Nazirliyinin dəstəyi və Bakı Şəhər Mədəniyyət
və Turizm İdarəsinin təşkilatçılığı
ilə reallaşan
“Retro Bakı” layihəsi
sentyabr ayında da davam etməkdədir.
İyul ayından etibarən hər həftəsonu paytaxtın Fəvvarələr
meydanı ərazisində
“Retro Bakı” layihəsi
üzrə konsert proqramları təqdim olunur. Layihənin əsas məqsədi
Bakıda 60-70-ci illərdə
dəbdə olmuş açıq hava konsertləri ənənəsini
yenidən canlandırmaq,
əhalinin asudə vaxtını səmərəli
təşkil etməkdir.
Bakı
Şəhər Mədəniyyət
və Turizm İdarəsinin Mədəni
tədbirlərin təşkili
və yaradıcı gənclərlə iş üzrə mərkəzinin
direktoru Hacı Əliyev bildirdi ki, layihə qısa zaman ərzində həm şəhər sakinlərinin,
həm də paytaxtımıza gələn
turistlərin marağını
cəlb edə bilib: “Artıq üç aya yaxındır ki, hər həftənin şənbə və bazar günləri iki saata yaxın
müddət ərzində
paytaxtımızın sakinləri
və şəhərimizin
qonaqları milli və dünya musiqisinin incilərini dinləmək, zəngin milli rəqslərə tamaşa etmək imkanı əldə edirlər. Təqdim etdiyimiz konsertlər
müxtəlif musiqi janrlarını əhatə
edir. Burada həm milli musiqilərimiz, muğamlarımız,
estrada mahnıları,
milli rəqslərimiz,
həmçinin xarici
musiqilər də yer alır. Yeni musiqilərlə yanaşı,
60-70-ci illərin melodiyaları
da səsləndirilir.
Layihədə əsasən gənc
ifaçıların çıxışlarına
yer verilsə də, hər dəfə çalışırıq
ki, tanınmış
musiqiçiləri də
dəvət edək”.
H.Əliyevin sözlərinə görə,
layihə bu ayın sonunadək davam edəcək, oktyabrın 2-də isə
“Retro Bakı”nın geniş bağlanış
konserti keçiriləcək:
“Layihə böyük
maraq doğurub. Odur ki, gələn
il də
yaz aylarından başlayaraq payızadək
bu layihəni yenidən reallaşdırmağı
düşünürük. Növbəti il çalışacağıq
ki, “Retro Bakı”da yeni-yeni ifalarla, rəngarəng musiqilərlə
tamaşaçıların qarşısına çıxaq”.
Qeyd edək
ki, konsertin keçirildiyi səhnə
də “Retro Bakı” ab-havası yaradacaq üslubda qurulub. Səhnənin
dekorasiyasında 60-70-ci illərin
Bakısına həsr
olunmuş fotoşəkillər,
dekorativ sənət nümunələri və
s. nümayiş olunur.
Ötən həftəsonu “Retro Bakı”nın qonaqları müğənni
Əminə Şirin və rəqqas İlham Kərimli oldular. Konsertdə gənc müğənnilər
Hüseyn Abdullayev, Səbinə Əsgərova,
Cəvahir Abdulova, Nizami Nikbin, Aygün Ağayeva və “Qismət” qrupunun ifaları da səsləndi.
Konsert proqramı
maraqla qarşılandı.
Təhminə Məmmədova paytaxtın
mərkəzi küçələrindən
birində yaşayır:
“Hər həftəsonu
nəvələrimi də
götürüb konsertə
baxmağa gəlirəm.
Burada səsləndirilən musiqilər
məni 60-70-ci illərə
qaytardı, həmin dövrün mədəni
həyatını xatırlatdı.
Retro mahnılar yaddaqalandır, heç zaman unudulmur, ötən dövrün musiqiləri insanda nostalji hislər oyadır”.
Yaşar Ağayev “Retro Bakı” layihəsinə həm yaşlı insanların, həm də gənclərin maraq göstərdiyini deyir: “Misal üçün, mən yaşlı adamam, gəlmişəm, kənarda dayanıb qulaq asıram. Hər dəfə konsert olanda burda hər yaşda insanları görmək olar. Maraqlı layihədir, davamlı olmasını arzu edərdik”.
Fariz
Mədəniyyət.- 2016.- 7
sentyabr.- S.8.