Kazan festivalında peyğəmbər haqqında filmin təqdimatı

Rusiya Federasiyası Tatarıstan Respublikasının Kazan şəhərində 12-ci Beynəlxalq Müsəlman Film Festivalı başlayıb.

Festivalın açılışında iranlı rejissor Məcid Məcidinin “Məhəmməd - Allahın elçisi” filminin mətbuat üçün nümayişi olub.

Rusiya və dünya ictimaiyyətinin müsəlmanlar və islam haqqında düzgün məlumatlandırılması və obyektiv fikir sahibi ola bilməsi məqsədilə həyata keçirilən festivala bu il 33 ölkədən 60 film təqdim olunub. Münsiflər heyətinin sədri rusiyalı rejissor Aleksandr Proşkin, üzvləri isə Sıddıq Barmaq, Usman Sapparov, Yusup Razıkov və Valeri Sevastyanovdur.

Festival sentyabrın 11-də sona çatacaq.

Mədəniyyət.- 2016.- 7 sentyabr.- S.12.