Fortepiano musiqisi axşamı

Sentyabrın 26-da Üzeyir Hacıbəyli VIII Beynəlxalq Musiqi Festivalı çərçivəsində Əməkdar artist, Bakı Musiqi Akademiyasının professoru, beynəlxalq müsabiqə laureatı Nərgiz Əliyarovanın solo konserti keçirilib. Konsertdə Azərbaycan və xarici ölkə bəstəkarlarının musiqiləri səsləndirilib.

Gecədə pianoçunun Belçikanın “ETCETERA” şirkətində yazılan "Nərgiz Əliyarova Azərbaycan musiqisini ifa edir" adlı yeni kompakt diski təqdim olunub. Şirkət tərəfindən hazırda dünyanın müxtəlif ölkələrində həmin diskin satışı həyata keçirilir.

Müəllif üç musiqi diskinin Almaniyada və Hollandiyada yazıldığını və Belçikada disklərinin təqdimatının keçirildiyini söyləyib.

Mədəniyyət.- 2016.- 28 sentyabr.- S.6.