Azərbaycanlı fotoqrafın Türkiyədə sərgisi

 

Türkiyənin Didim bölgəsinin (Aydın vilayətinin turistik rayonu) Ticarət Palatasının Mədəniyyət Mərkəzində Didim Xalq Oyunları “G.S.K” dərnəyinin təşkilatçılığı ilə gənc, istedadlı fotoqraf Nurlan TahirlininYol ayrıcında” sərgisinin təqdimat mərasimi keçirilib.

İlk dəfə 2015-ci ildə Bakıda keçirilən eyniadlı sərginin davamı olaraq keçirilən bu sərgidə kolleksiyaya yeni foto nümunələri əlavə olunub. Tədbirdə çıxış edənlər gənc fotorəssama uğurlar arzulayıblar.

N.Tahirli Azərbaycan Dövlət İqtisad Universitetinin, Türkiyənin Sakarya Dövlət Universitetinin marketinq ixtisası üzrə magistraturasını bitirib. Türkiyədə birillik fotoqrafiya kursunda təhsil alıb. 2012-ci ildən beynəlxalq sərgilərdə iştirak edir. Azərbaycan Fotoqraflar Birliyinin üzvüdür.

 

Mədəniyyət.- 2016.- 15 yanvar.- S. 2.