Rəsm qalereyalarında xatirə tədbirləri

Yanvarın 18-də Qusar Dövlət Rəsm Qalereyasında Qara Yanvarın 26-cı ildönümünə həsr olunmuş sərgi təşkil edilib.

Sərgidə orta məktəb şagirdlərinin 1990-cı il 20 yanvarında Sovet Ordusu hissələrinin Azərbaycanın paytaxtında dinc insanlara qarşı həyata keçirdiyi qətliamdan, bu faciənin ağrı-acısından, xalqımızın qəhrəmanlıq mübarizəsindən bəhs edən rəsmləri nümayiş olunur. 36 rəsmin yer aldığı sərgi yanvarın 25-dək davam edəcək.

* * *

Bakının Nərimanov rayonunda yerləşən Laçın Dövlət Rəsm Qalereyasında da 20 Yanvar faciəsinin ildönümü ilə bağlı tədbir keçirilib. Rayon Mərkəzləşdirilmiş Kitabxana Sistemi və Tarix-Diyarşünaslıq Muzeyi ilə birgə təşkil olunan tədbirdə 20 Yanvar faciəsindən, bu hadisənin Azərbaycan tarixində yerindən söhbət açılıb. Sonra iştirakçılar Qanlı Yanvardan bəhs edən film izləyiblər.

Mədəniyyət.- 2016.- 20 yanvar.- S. 9.