“Təbəssüm” rəqs qrupu Tbilisidə diploma layiq görülüb
Gürcüstanın paytaxtı Tbilisidə tanınmış rəqqas və baletmeyster Vaxtanq Çabukiani adına IV Beynəlxalq xoreoqrafiya festivalı keçirilib. Aprelin 2-də yekunlaşan festivalda iştirak edən Azərbaycan Respublikası Uşaq Yaradıcılıq Mərkəzinin “Təbəssüm” rəqs qrupu diploma layiq görülüb.
Festivalda
Gürcüstan, Azərbaycan, Türkiyə,
Rusiya və digər ölkələrdən
9-13, 14-18 və 19-25 yaş qruplarında rəqqaslar
yarışıblar. “Təbəssüm” qrupu
“Bayram” və “Basqalı” rəqslərini ifa edib. Qrupun
üzvləri İ.Cavaxişvili adına Tbilisi Dövlət Universitetinin
nəzdindəki Azərbaycanın dostları klubunda
da olublar. Klubun rəhbəri Leyla
Əmrahova görülən işlər, Azərbaycanın təbliği
və s. barədə kollektivə məlumat
verib.
Mədəniyyət.- 2017.- 5 aprel.-
S.10.