Argentina yazıçısının
yaradıcılığına həsr olunmuş
dəyirmi masa
Aprelin 6-da Azərbaycan Yazıçılar Birliyində “Borxes, estetik bir hadisə söz kimi” mövzusunda dəyirmi masa keçirilib.
Argentina yazıçısı və şairi Xorxe Luis Borxesin həyat və yaradıcılığına həsr olunan tədbir bu ölkənin Azərbaycandakı səfirliyinin və Yazıçılar Birliyinin birgə təşkilatçılığı ilə reallaşıb.
Yazıçılar Birliyinin sədri, Xalq yazıçısı Anar, Argentinanın ölkəmizdəki səfiri Karlos Dante Riva və yazıçının tələbəsi Silvia Zimmermann Borxesin həyat və yaradıcılığı ilə bağlı fikirlərini bölüşüblər.
Bildirilib
ki, Xorxe Luis Borxes “Uydurulmuş
hekayələr”, “Alef”, “Uydurma
canlılar ensiklopediyası” və bir çox kitabların müəllifidir. O, əsərlərində
güzgü, yuxu və
labirint effektlərindən tez-tez
istifadə edib. Əsərləri XIX əsrin
realist-naturalist ənənələrinə
qarşı çıxan elmi-kütləvi və sehrli reallıq kimi cərəyanlara
böyük töhfələr verib. Bəzi tədqiqatçıların
fikrincə, Borxesin kor
olması ona yenilikçi
ədəbi simvolları təsəvvürləri vasitəsilə
yaratmağa kömək edib.
Mədəniyyət.- 2017.- 7 aprel.-
S.4.