Naxçıvana info-tur təşkil olunub
Azərbaycanın Naxçıvan bölgəsi
qədim tarixi, zəngin mədəniyyəti
və əsrarəngiz
təbiəti ilə seçilir. Bu zənginlik regionun turizm imkanlarını da artırır. Bu potensialı tanıtmaq
məqsədilə “Nəqşicahan
Holdinq” tərəfindən
aprelin 11-də qədim
diyara info-tur təşkil edilib. Tur çərçivəsində Türkiyə, İran, Kipr, Küveyt və Azərbaycanın müxtəlif turizm şirkətlərindən 200-dən çox nümayəndə
Naxçıvana gəlib.
Qonaqlar “Duzdağ” hotelində yerli turizm nümayəndələri
və iş adamları ilə görüşərək əməkdaşlıq
imkanlarını müzakirə
edib, Duzdağ Fizioterapiya Mərkəzinin
imkanları ilə tanış olublar. İnfo-tur iştirakçıları Uzunoba
istirahət kompleksi ilə tanış olub, dəniz səviyyəsindən 2 min 450 metr
yüksəklikdə yerləşən
Batabat yaylağını
gəzib, ərazidəki
göllər haqqında
məlumat alıblar. Qonaqlara Ağbulaq istirahət mərkəzinin turizm imkanları barədə də məlumat verilib. Həmçinin
info-tur iştirakçıları
dini turizmdə mühüm rol oynayan “Əshabi-Kəhf ziyarətgahı” Dini-mədəni
abidə kompleksi ilə tanış
olublar.
Səfərlə
bağlı fikirlərini
bölüşən Azərbaycan
Sağlamlıq və
Termal Turizmə Dəstək Assosiasiyasının
sədri Ruslan Quliyev bildirib ki, Naxçıvanın turizm potensialında müalicə turizmi xüsusi yer tutur. Assosiasiya bu ildən başlayaraq Baltikyanı ölkələrində Duzdağ
Fizioterapiya Mərkəzinin
tanıdılması istiqamətində
işlərə başlayacaq.
İranın “Mişoparvaz Təbriz” turizm şirkətinin meneceri Fəriba Mirsefidi Naxçıvanın
turizm potensialının
böyük olduğunu
bildirib: “Batabat yaylağı, Ağbulaq turistlər üçün
əsl istirahət məkanlarıdır. Naxçıvanın hansı tərəfində
olduqsa, orada bir füsunkarlıq, gözəllik gördük.
İnanıram ki, Naxçıvan
bütün bu gözəllikləri ilə
qarşıdakı illərdə
daha çox turist qəbul edəcək”.
Türkiyənin “ASV Lojistik” şirkətinin
nümayəndəsi Hanifi
Yıldırım da Naxçıvanın tarixi
abidələrinin xarici
turistlərin cəlb olunmasında önəmini
vurğulayıb. Bildirib ki,
Naxçıvan təbiəti,
tarixi, mədəniyyəti,
müasir inkişafı,
turizm potensialı, məişəti və qonaqpərvərliyi ilə
xeyli sayda turisti qəbul etmək gücündədir.
Qeyd edək ki, aprelin 14-dək davam edəcək info-tur çərçivəsində təcrübə mübadiləsi
aparılacaq, turizm sahəsi üzrə fəaliyyət göstərən
yerli mütəxəssislər
üçün ustad
dərsləri də təşkil ediləcək.
F.Hüseynov
Mədəniyyət.- 2017.- 14
aprel.- S.8.