“Cəngi” musiqi qrupu FransadaAlmaniyada konsert proqramları ilə çıxış edib

 

 

   Azərbaycan musiqisinin zənginliyini, muğam, etno-caz kimi müxtəlif janrların sintezini özünəməxsus ifa tərzi ilə xarici ölkələrdə layiqincə təqdim edən “Cəngi” qrupu FransadaAlmaniyada konsert proqramları ilə çıxış edib.

   Dekabrın 2-də Fransanın Silly-Thillard şəhərində “Cəngi” qrupunun iştirakı ilə etno-caz musiqisindən ibarət konsert proqramı təqdim edilib. Xeyriyyə məqsədli konsert Azərbaycanın Fransadakı səfirliyinin dəstəyi, Fransada Azərbaycanın Dostları Assosiasiyası və Xərçəng əleyhinə Liqanın Uaz bürosunun təşkilatçılığı ilə reallaşıb.

   Konsertdən əvvəl Silly-Thillard şəhərinin meri Jan Vertadye çıxış edərək təşkilatçılara təşəkkür edib.

   Azərbaycanın Dostları Assosiasiyasının prezidenti Jan Fransua Mansel qurumun fəaliyyəti və həyata keçirilən layihələri haqqında məlumat verib. Ölkəmizin qədim tarixə və mədəniyyətə malik olduğunu söyləyən natiq Ermənistan-Azərbaycan, Dağlıq Qarabağ münaqişəsi haqqında iştirakçıları məlumatlandırıb. O, tədbirin əhəmiyyətindən danışaraq qeyd edib ki, belə layihələr Azərbaycan musiqisini Fransada təbliğ etməklə yanaşı, azərbaycanlıların qədim və zəngin mədəni irsə malik olduqlarını bir daha sübut edir.

   Assosiasiya rəhbəri Azərbaycan musiqisini Avropada təbliğ etmək üçün etno-caz layihəsinin maraqlı seçim olduğunu bildirib. Qeyd edib ki, müxtəlif etnik mənşəyə və dini mənsubiyyətə məxsus insanların sülh və əmin-amanlıq şəraitində yaşadıqları Azərbaycan tolerantlığın, multikulturalizmin beşiyidir.

   Assosiasiyanın baş katibi Mirvari Fətəliyeva çıxış edərək Azərbaycan musiqisi və “Cəngi” etno-caz musiqi qrupu haqqında məlumat verib. O, muğam sənətinin qədim köklərə malik olduğunu, Azərbaycan muğam ifaçılığı sənətinin UNESCO-nun Qeyri-maddi mədəni irs siyahısına daxil edildiyini diqqətə çatdırıb.

   Sonra konsert proqramı təqdim olunub.Cəngiqrupunun üzvləri - kollektivin rəhbəri Mircavad Cəfərov (ud), musiqiçilər Mircavid Cəfərov (tar), İsgəndər Ələsgərov (zərb alətləri), Ruslan Hüseynov (bas-gitara) Vasif Hüseynlinin (piano) ifasındaMahur”, “Çahargah”, “Sirli gecə”, “Mən səni araram digər musiqi nömrələri tamaşaçıların böyük marağı alqışları ilə qarşılanıb.

   Xatırladaq ki, ötən həftəCəngiqrupu Azərbaycanın Fransadakı səfirliyinin təşkilatçılığı dəstəyi ilə Parisdə xarici ölkələrin mədəniyyət mərkəzlərinin forumunun 15-ci “Jazzycolorscaz festivalında da iştirak edib.

   Kollektivin Avropada növbəti konserti isə dekabrın 4-də Berlin şəhərində keçirilib. Konsert proqramı Azərbaycan-Almaniya münasibətlərinin 25 illiyinə həsr edilib. Azərbaycanın Almaniyadakı səfirliyi, Azərbaycan Respublikası Mədəniyyət Turizm Nazirliyinin dəstəyi ilə keçirilən tədbirdə qrup etno-caz əsərlər təqdim edib. Azərbaycan bəstəkarlarının əsərlərinin caz interpretasiyasında təqdimatı böyük rəğbət doğurub.

   Qeyd edək ki, 1992-ci ildə məşhur caz ifaçısı Rafiq Babayev tərəfindən əsası qoyulanCəngiqrupu 2002-ci ildən etibarən Əməkdar artist Mircavad Cəfərovun rəhbərliyi ilə fəaliyyət göstərir. Musiqi qrupu müxtəlif beynəlxalq festivallarda iştirak edərək milli sərvətimiz olan muğamın cazın sintezini yeni çalarlarla, maraqlı improvizasiyalarla musiqisevərlərə çatdırır.

  

   Lalə

 

Mədəniyyət.- 2017.- 6 dekabr.- S.5.