Kitabxanaçılar üçün təlimlər

Bakı Şəhəri üzrə Təhsil İdarəsinin (BŞTİ) tabeliyindəki ümumtəhsil müəssisələrinin kitabxanaçıları üçün təlimlərə başlanılıb.

İdarə və Respublika Elmi-Pedaqoji Kitabxanasının əməkdaşlığı çərçivəsində təşkil olunan təlimlərin məqsədi iştirakçılara kitabxana işinin düzgün təşkilinə kömək göstərmək, onları müasir texnologiyalarla tanış etməkdir.

İştirakçılara kitabxana işinin təşkili, idarəolunması, İKT-dən istifadə üsulları və proqram təminatı barədə məlumat verilir, müzakirələr aparılır. Təlimlərin sonunda kitabxanaçıların yekun qiymətləndirilməsi həyata keçirilir. Həmçinin onların Respublika Elmi-Pedaqoji Kitabxanasına ekskursiyası təşkil edilir.

Təlimlər çərçivəsində məktəb kitabxanalarına kitablar hədiyyə olunur.

Mədəniyyət.- 2017.- 15 dekabr.- S.4.