Eynəli bəy Sultanovun publisistik yaradıcılığı

 

 

 

   Topluya müəllifin rus dilində məqalələri daxil edilib

  

   Görkəmli maarif xadimi, yazıçı-dramaturq, publisist, tərcüməçi, folklorşünas Eynəli bəy Sultanovun (1866-1935) publisistik yaradıcılığına həsr olunan kitab çapdan çıxıb.

   Rus dilində işıq üzü görənEynəli bəy Sultanov. Publisistikaadlı kitab AMEA-nın vitse-prezidenti, Nizami adına Ədəbiyyat İnstitutunun direktoru, akademik İsa Həbibbəyli tərəfindən tərtib olunub. Nəşrin redaktoru E.Sultanov irsinin tədqiqatçısı, filologiya üzrə fəlsəfə doktoru Elxan Məmmədovdur.

   E.Sultanovun qəzetçilik fəaliyyətinin böyük bir qismini Tiflisdə Bakıda rusdilli mətbuatda çap olunan məqalələri təşkil edir. İlk qələm təcrübələriniTərcüman”da çap etdirən müəllif sonralar bir sıra rusdilli qəzetlərdə, eləcə Həyat”, “İrşad”, “İqbal”, “Molla Nəsrəddin”, “Yeni fikir” (həmin qəzetin əlavəsi olanİşıq yol”), “Dan ulduzu”, “Şərqi-rus”, “Yeni yol”, “Qızıl şəfəqkimi qəzet, jurnal məcmuələrdə mütəmadi olaraq bədii, publisistik, tənqidi yazılarla çıxış edib. O, həmçinin müxtəlif illərdəKaspiqəzetinin İrəvan Naxçıvan üzrə xüsusi müxbiri, “Zakavkazyeqəzetinin şöbə müdiri, “Kavkazskaya kommunaqəzetinin redaktoru (1921-1923), “İşıq yolqəzetinin məsul katibi (1924-1926), “Zakavkazskaya reçqəzetində tərcüməçi işləyib.

   Eynəli bəy məqalələrində ümumilikdə 20-dən çox fərqli imzadan istifadə edib. Kitabda onun rus dilində 250-yə yaxın məqaləsi yer alıb. Bu nümunələr təkcə Eynəli bəyin publisistik fəaliyyətinin öyrənilməsi baxımından yox, həm Azərbaycan mətbuat tarixinin, mədəni fikrinin, bütövlükdə müəyyən bir dövrün öyrənilməsi baxımından əhəmiyyətlidir.

  

   F.Yunisli

 

Mədəniyyət.- 2017.- 3 fevral.- S.15.