Tərcümə Mərkəzində “Türk ədəbiyyatı antologiyası”
hazırlanır
Türkiyənin Yunus Əmrə İnstitutunun Bakıdakı nümayəndəliyinin rəhbəri İbrahim Yıldırım fevralın 8-də Azərbaycan Respublikası Nazirlər Kabineti yanında Tərcümə Mərkəzində olub.
Görüşdə qurumun Türkiyə ədəbiyyatı üzrə gördüyü işlərdən, “Xəzər” dünya ədəbiyyatı jurnalında türk ədiblərinin əsərlərinin nəşr edilməsindən, həmçinin ötən il Ankarada təqdimatı baş tutan ikicildlik “Müasir Azərbaycan ədəbiyyatı antologiyası”ndan söz açılıb.
Mərkəzin direktoru Afaq Məsud qonağa hazırda tərcüməsi başa çatdırılmış və bu ilin aprel ayında işıq üzü görməsi nəzərdə tutulan “Türk ədəbiyyatı antologiyası” haqqında da məlumat verib.
Rəhbərlik
etdiyi qurumun
başlıca qayəsinin türk mədəniyyəti
və ədəbiyyatının dünyada
tanıdılması olduğunu bildirən
İbrahim Yıldırım Azərbaycanda
ilk dəfə “Türk
ədəbiyyatı antologiyası” kitabının ərsəyə
gətirilməsini yüksək dəyərləndirib. Qeyd olunub ki,
bu gün
dünyanın 50-dən çox ölkəsində
Yunis Əmrə İnstitutunun
nümayəndəliyi fəaliyyət göstərir. Odur ki, faydalı əməkdaşlıq
üçün kifayət qədər
perspektivlər və imkanlar var.
Mədəniyyət.- 2017.- 10
fevral.- S.5.