Amerikalı rejissorun “Şanslı bir fil”i
“YARAT” Müasir
İncəsənət Mərkəzində
nümayiş olunub
“YARAT” Müasir İncəsənət
Mərkəzində amerikalı
rejissor Liza Limanın “Şanslı bir fil” ekran əsəri
təqdim olunub. Ekran əsərinin nümayişi
ABŞ-ın ölkəmizdəki
səfirliyinin dəstəyi,
“YARAT” Film Klubunun təşkilatçılığı
ilə reallaşıb.
Tədbirdə ABŞ səfirliyinin mədəniyyət və
təhsil işləri
üzrə müşaviri
xanım Emi Pitersen
“YARAT” Film Klubu tərəfindən
gerçəkləşən belə layihələrin əhəmiyyətindən danışıb.
Bu yöndə reallaşdırılan layihələrin
ikitərəfli mədəni
əlaqələrə təkan
verdiyini deyən xanım diplomat gələcəkdə
bu istiqamətdə daha böyük işlər görüləcəyinə
əminliyini ifadə edib.
Vurğulanıb ki, ABŞ istehsalı
olan sənədli filmlərin Azərbaycanda nümayişi olduqca sevindiricidir.
Sonra film təqdim olunub və ekran əsəri ilə bağlı müzakirələr aparılıb.
Filmin süjet xətti 16 il əvvəl prodüser Devid Boldinq tərəfindən “doğmalarını” itirmiş Afrika fili - Floranı öz himayəsinə götürməsi üzərində qurulub. Ekran əsərində göstərilir ki, atıq böyümüş fil sirkdə çıxış etmək istəmir, azadlıqda, fillər arasında yaşamaq istəyir...
Qeyd edək ki, premyerası 2010-cu ildə reallaşan ekran əsəri bir sıra festivallarda mükafatlar qazanıb.
Mədəniyyət.- 2017.- 10
fevral.- S.10.