Azərbaycanlı dirijor
beynəlxalq müsabiqənin laureatı olub
Azərbaycan Dövlət Akademik Opera və Balet Teatrının dirijoru, Prezident mükafatçısı Əyyub Quliyev Almaniyanın Hamburq şəhərində keçirilən dirijorların beynəlxalq müsabiqəsində (“Debut in der Laeiszhalle”) laureat adına layiq görülüb. Müsabiqə Almaniyanın məşhur konsert salonlarından olan “Laysexalle”də gerçəkləşib.
Beş kateqoriya - dirijorluq, fortepiano, skripka, violonçel və bəstəkarlıq üzrə keçirilən müsabiqədə iştirakçıları dünya şöhrətli musiqiçilərdən ibarət olan münsiflər heyəti qiymətləndirib. Müsabiqənin nəticələrinə görə, dirijorluq üzrə Venesueladan olan Xorxe Luis İçetequi birinci, Əyyub Quliyev ikinci, Rusiyadan Dmitri Kryukov isə üçüncü mükafata layiq görülüb.
Müsabiqənin bağlanış mərasimində qaliblərin konsert proqramı olub. Konsertdən əvvəl keçirilən mərasimdə çıxış edən tanınmış bəstəkar Soren Nils Ayxberq qaliblərə diplom və mükafatlar təqdim edib.
Rəsmi
hissədən sonra müsabiqənin digər
kateqoriyalar üzrə qalibləri dirijorlar Ə.Quliyev və
X.İ.İçetequinin rəhbərliyi
altında Hamburq orkestrinin
müşayiəti ilə V.A.Motsart, L.Bethoven, E.Elqar və S.Prokofyevin simfonik və instrumental əsərlərini səsləndiriblər.
Mədəniyyət.- 2017.- 1 mart.-
S.9.