Bakı Şopinq Festivalına hazırlıq davam edir

 

 

 

   Xəbər verdiyimiz kimi, aprelin 10-dan mayın 10-dək Azərbaycan paytaxtında ilk dəfə Ticarət festivalı - “Baku Shopping Festival” keçiriləcək.

   Prezident İlham Əliyevin 2016-cı il 1 sentyabr tarixində imzaladığıAzərbaycan Respublikasında turizmin inkişafı ilə bağlı əlavə tədbirlər haqqındasərəncama əsasən keçiriləcək festivalın təşkili Mədəniyyət Turizm Nazirliyinin nəzdində fəaliyyət göstərən Azərbaycan Konqreslər Bürosuna həvalə olunub. Müxtəlif dövlətlərin təcrübəsi göstərir ki, ənənəvi şopinq festivalları turizmin inkişafına, xaricdən turist axınının artmasına müsbət təsir göstərir. Bakıda belə festivalların keçirilməsi sözügedən sərəncamda ölkə Prezidentinin 2016-cı il 6 dekabr fərmanı ilə təsdiq edilənAzərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”ində əksini tapıb.

   Şopinq festivalına hazırlıq davam etməkdədir. Bu prosesdə Mədəniyyət Turizm Nazirliyi ilə yanaşı digər aidiyyəti qurumlar da iştirak edir. Xatırladaq ki, martın 16-da festivala həsr olunmuş mətbuat konfransında bu barədə ətraflı məlumat verilib. Şopinq festivalı turizmin inkişafı üçün yeni bir mərhələnin başlanması deməkdir. Beynəlxalq təcrübəyə əsaslanaraq reallaşacaq festival təkcə ticarət deyil, ölkəmizin adət-ənənələrini, tarixi mədəni irsini tanıtmaq baxımından da öz müsbət tərəfləri ilə seçiləcək”, - deyə mədəniyyət turizm naziri Əbülfəs Qarayev bildirib.

   Onu da deyək ki, Bakı Şopinq Festivalı Qafqazda Orta Asiyada ilk belə təcrübə olacaq. Dünya Turizm Təşkilatının hesablamalarına görə, ticarət festivalları turist axınını 30 faizədək artırır. Bakı Şopinq Festivalı nəinki xaricdən turist axınını təşkil etmək, eyni zamanda, daxili turizmi inkişaf etdirmək məqsədi daşıyır. Festival çərçivəsində əcnəbilərlə yanaşı, Azərbaycan vətəndaşları da “Tax free” (əlavə dəyər vergisinin qaytarılması) sistemindən istifadə edə biləcəklər ki, bu da dünya təcrübəsində bir ilkdir. Festival günlərində 100 manat daha çox alış-veriş edən hər bir əcnəbi ya Azərbaycan vətəndaşı bu sistemdən yararlana biləcək.

   Festivala bir sıra qonşu ölkələrdə, eləcə son dövrlər Azərbaycana böyük turist axınının müşahidə olunduğu Fars körfəzi ölkələrində maraq var. Bakı Şopinq Festivalının internet saytı - www.bakushopfest.com Azərbaycan, ingilis, rus, ərəb, fars dillərində fəaliyyət göstərir. Bir ay ərzində şopinq festivalı həm xarici turistlərə, həm yerli istehlakçılara əlverişli alış-veriş müxtəlif maraqlı əyləncə imkanları təqdim edəcək, ölkəmizə gələn turistlərin sayını artıracaq, turizm, qonaqpərvərlik, ticarət, nəqliyyat digər sahələrin inkişafına təkan verəcək.

   Mədəniyyət Turizm Nazirliyinin nəzdindəki Azərbaycan Konqreslər Bürosu festivalın yüksək səviyyədə, səmərəli keçirilməsi üçün öz peşəkar mütəxəssisləri işçi heyəti ilə gərgin rejimində çalışır. Festivalın daha maraqlı cəlbedici olması üçün müxtəlif lotereya oyunlarının, bonus kartlarının tətbiqi, suvenir hədiyyə mağazalarının fəaliyyətinin təşkili planlaşdırılır. Paytaxtın ticarət mərkəzlərində, Fəvvarələr meydanında Dənizkənarı bulvarda gündəlik əyləncə tədbirləri keçiriləcək.

   Festival müddətində mərkəzi küçələrdə, mehmanxanalarda və şəhərin ticarət mərkəzlərində informasiya köşkləri qurulacaq. Həmçinin müxtəlif dillərdə Çağrı mərkəzi (Call Center) turistlərin və əhalinin, tərəfdaşların, sponsorların, ticarət nöqtələrinin, alıcıların və festivalın digər iştirakçılarının sərəncamına veriləcək. Festivalda iştirakçı kimi qeydiyyatdan keçən mağazalarTax free” nişanı ilə fərqlənəcək. Festival ilə bağlı qeydiyyat qaydaları, festival günlərində turistlərə təqdim olunacaq tur-paketlər və s. barədə www.bakushopfest.com saytında ətraflı məlumat almaq olar.

 

Mədəniyyət.- 2017.- 29 mart.- S.3.