Xocalı haqqında sənədli film ABŞ-da festivalda nümayiş etdirilib

 

 

 

   ABŞ-ın Yuta ştatının Sedar şəhərində keçirilən 11-ci “Red Rockfilm festivalı çərçivəsində Xocalı soyqırımından bəhs edən “Zülmətdən qaçarkən” sənədli filmi nümayiş etdirilib. Film ABŞ-da Xocalı soyqırımı mövzusunda çəkilmiş ilk sənədli ekran əsəridir.

   Los-Ancelesdə fəaliyyət göstərən yəhudi kinematoqraflar tərəfindən çəkilmiş sənədli film Xocalı soyqırımının canlı şahidlərinin müsahibələri və onların ifadələri vasitəsilə 1992-ci ilin fevralında Azərbaycanın Xocalı şəhərində Ermənistan silahlı qüvvələrinin azərbaycanlı dinc əhaliyə qarşı törətdiyi vəhşilikləri diqqətə çatdırır.

   Filmin ABŞ-da ilk nümayişi 2017-ci il fevralın 21-də Azərbaycanın Los-Ancelesdəki baş konsulluğunun təşkilatçılığı ilə bu şəhərdəki Simon Vizental Mərkəzinin Tolerantlıq muzeyində baş tutub.

 

Mədəniyyət.- 2017.- 24 noyabr.- S.12.