Musiqi günü Berlində də qeyd edilib
Berlində fəaliyyət göstərən
Azərbaycan-Almaniya Ziyalılar
Birliyinin təşkilatçılığı
ilə Azərbaycan Mədəniyyət Evində
dahi bəstəkar Üzeyir Hacıbəylinin
anadan olmasının
132-ci ildönümü və
Milli musiqi gününə həsr olunmuş tədbir keçirilib.
Birliyin sədri Naibə
Şirinova iştirakçılara
Üzeyir Hacıbəylinin
keçdiyi həyat yolundan, zəngin yaradıcılığından, milli musiqimizin inkişafında əvəzsiz
xidmətindən danışıb.
Bildirib ki, Şərqdə ilk operanın banisi olan Ü.Hacıbəyli öz yaradıcılığında
Şərqlə Qərbin
vəhdətini yaradıb.
Tədbirdə
Almaniyada yaşayan azərbaycanlı musiqiçilərin
ifasında bəstəkarın
“Sənsiz” və “Sevgili canan” romansları səslənib,
balaca həmvətənlərimiz
Ü.Hacıbəylinin felyeton
və miniatürlərindən
hazırladıqları bədii
kompozisiya və cənublu soydaşların
iştirakı ilə
hazırlanan "O olmasın,
bu olsun" musiqili komediyasından səhnəciklər göstərilib.
Lalə
Mədəniyyət.- 2017.- 22
sentyabr.- S.2.