Üzeyir Hacıbəyli musiqi festivalının son
konsertləri
Sentyabrın
25-də Üzeyir Hacıbəyli
IX Beynəlxalq Musiqi Festivalı çərçivəsində
Heydər Əliyev Sarayında Azərbaycan
opera və operettalarından
ibarət “Əbədi
musiqi” adlı konsert-tamaşa təqdim olunub. Konsert-tamaşa Azərbaycan Televiziya
və Radiosu, “Mədəniyyət” kanalı,
Mədəniyyət və
Turizm Nazirliyinin birgə layihəsi əsasında gerçəkləşib.
Musiqili gecədə Xalq artisti Fidan Hacıyeva,
əməkdar artistlər
Anar Şuşalı,
İnarə Babayeva, müğənnilər Fərid
Əliyev, Afaq Abbasova, İlahə Əfəndiyeva, Gülnaz
İsmayılova, Fəridə
Məmmədova, Nərgiz
Kərimova, Taleh Yəhyayev, Cahangir Qurbanov, Mahir Tağızadə və digərləri çıxış
ediblər. Solistləri
Əməkdar incəsənət
xadimi Nazim Hacıəlibəyovun baş
dirijorluğu ilə Azərbaycan Televiziyası
və Radiosunun Niyazi adına
simfonik orkestri müşayiət edib.
* * *
Sentyabrın 26-da Üzeyir Hacıbəyli
IX Beynəlxalq Musiqi Festivalına yekun vurulub.
Festivalın Azərbaycan
Dövlət Filarmoniyasında təqdim olunan
son konsertində Yeni Münhen Filarmonik Orkestri (Almaniya) dirijor Fuad İbrahimovun
idarəsi ilə çıxış edib.
Proqramda S.Raxmaninovun “Fortepiano və orkestr üçün Konsert
¹2 op.18”, M.İ.Qlinkanın “Ruslan və
Lüdmila” operasından uvertüra,
N.A.Rimski-Korsakovun - “Şəhrizad” simfonik süitası səslənib.
Mədəniyyət.- 2017.- 27 sentyabr.-
S.2.