Dünya turizm sektorunda
ilk 20-likdə yer almaq
Qarşıdakı
8-10 ildə ölkə
turizmi üçün
əsas hədəflərdən
biri budur
“Azərbaycan
Respublikasında ixtisaslaşmış
turizm sənayesinin inkişafına dair Strateji Yol Xəritəsi”ndə
ölkəmizin bu sahə üzrə əsas hədəfləri
də əksini tapıb. Sənədə görə, Azərbaycanın
dünya turizm sektorunda ən çox üstünlük
verilən 20 turizm məkanından biri olması qarşıya qoyulan başlıca hədəflərdəndir.
Strateji Yol Xəritəsində
qeyd edilir ki, Azərbaycan üçün Körfəz
regionu və MDB ölkələri kütləvi
turizm mənbələri
sayılır. MDB üzvü
olan Orta Asiya ölkələri və digər kütləvi turizm mənbələrinin hər
birindən Azərbaycana
2014-cü ildə 20 min nəfərdən
az turist
gəlib. Halbuki bu cür tələb bazarlarından
hər biri Azərbaycanda turizm sektorunun genişləndirilməsi
baxımından unikal
imkanlar təklif edir. Kütləvi turizm ölkələri
blokundan 2014-cü ildə
xaricə ümumilikdə
450-500 milyon turist səfəri olub.
Körfəz regionu ölkələrinin
vətəndaşları üçün
hava limanında viza rəsmiləşdirməsi
təcrübəsinin tətbiqinə
başlanıldıqdan sonra
həmin ölkələrdən
Azərbaycana gələn
turistlərin sayında
ciddi artım müşahidə edilib.
Məsələn, Birləşmiş Ərəb Əmirliklərindən
gələnlərin sayı
2014-cü ildə 821 nəfər
olduğu halda,
2016-cı ilin doqquz ayında 38931 nəfərədək
artıb. Bundan əlavə,
İraqdan gələn
turistlərin sayında
son dövrlərdə müşahidə
olunan artımı da qeyd etmək
olar. Bu trend Qərbdə yerləşən
bir çox inkişaf etmiş turizm məntəqələrinə
nisbətən yaxın
məsafədə yerləşən
Azərbaycan üçün
belə bazar potensialının olduğunu
göstərir.
Qeyd olunur ki, Heydər Əliyev Beynəlxalq Hava Limanından Körfəz regionuna, Asiya və Avropanın 26 əsas şəhərinə
uçuş məsafəsi
qısamüddətlidir. Hazırda Bakı bu şəhərlərdən
13-ü (mümkün turist
sayı 60 milyona yaxın) ilə birbaşa hava əlaqəsinə malikdir.
Hava yolu ilə bir saatdan
az məsafədə yerləşən İranın
Təbriz şəhəri
də daxil olmaqla, digər 13 şəhərlə (30 milyon
insan) hava əlaqəsinin qurulması
qısa uçuş məsafəsində yaşayan
potensial turistlərin cəlb edilməsinə səbəb ola bilər.
Bundan əlavə, İranda Təbriz və Ərdəbil, Rusiyada Mahaçqala, Gürcüstanda
Tbilisi kimi dörd əsas şəhər Bakıdan avtomobillə təxminən yeddi saatlıq məsafədə
yerləşir. Bu dörd
şəhərin əhalisi
ümumilikdə 3,7 milyon nəfərdir və onlar Azərbaycan
üçün potensial
turistlər hesab edilə bilər.
2025-ci ildən sonrakı dövr üçün hədəf baxış Azərbaycanı dünyada turistlərin ən çox üstünlük verdiyi 20 turizm məkanından birinə çevirməkdir. Bu məqsədlə əsas tələbatın olduğu şəhər və ölkələrdə, eləcə də məşhur onlayn platformalarda yüksəkhədəfli və yaxşı tənzimlənən marketinq tədbirlərinə başlanılacaq. Uzunmüddətli perspektivdə Azərbaycanın səyahətçilər üçün regional qovşağa (“hub”) çevrilməsi məqsədilə logistik infrastrukturun bu üstünlüyündən istifadə ediləcək. Liberallaşdırılmış və rəqabətli aviasiya sektoru sayəsində 8 milyondan artıq sərnişini qəbul edə və yola sala biləcək təbii uçuş zonasına çevirmək hədəfi müəyyən olunub. Bu, Heydər Əliyev adına Beynəlxalq Hava Limanı vasitəsilə sərnişin nəqliyyatının hazırkı səviyyəsini təxminən dörd qat artırmaqla Bakını həm işgüzar, həm də istirahət məqsədilə gələn turistlər üçün tranzit dayanacaq məntəqəsinə çevirəcək. Xarici turistləri cəlb etmək məqsədilə qonşu ölkələrlə, məsələn, İranla dəmir yolu əlaqəsi gücləndiriləcək, turistlərin ölkə daxilində şəhərdaxili və şəhərlərarası rahat hərəkətinin təmin edilməsi üçün dəmir yolu və avtomobil yolu şəbəkəsi yaxşılaşdırılacaq.
Ölkəyə gələn əlavə turist axınını nəzərə alaraq, fərqli turist seqmentlərindən olan tələbatı qarşılamaq məqsədilə Azərbaycanın yaşayış və xidmət infrastrukturu da gücləndiriləcək. Bunun tərkib hissəsi kimi Azərbaycan aşağı büdcəli hostellərdən, yataq və səhər yeməyi təklif edən yerləşdirmə vasitələrindən tutmuş lüks mehmanxana və istirahət komplekslərinədək geniş çeşiddə yerləşdirmə imkanlarına malik olacaq. Xəzər dənizi də ölkənin turizm sektoruna təkan vermək potensialına malikdir. Bu istiqamətdə turistlər üçün cəlbediciliyi artırmaq məqsədilə çimərliklərə beynəlxalq təcrübədə olduğu kimi mavi bayraq nişanının verilməsi üzrə səylər genişləndirilərək, Xəzər dənizinin region daxilində ən çox üstünlük verilən yay turizm məkanına çevrilməsi ilə bağlı tədbirlər görüləcək.
Həmçinin sağlamlıq obyektlərindən istifadə göstəricisinin hazırkı 40 faiz ilə müqayisədə 65 faizədək artırılması (Naftalandakı sağlamlıq obyektlərinin istifadəsi) gözlənilir.
Mədəniyyət.- 2017.- 6
yanvar.- S.8.