Tanınmış şairin
xatirəsi yad edilib
Dövlət Mahnı Teatrında Azərbaycan Yazıçılar Birliyinin (AYB) təşkilatçılığı və Türkiyə Elm və Ədəbi Əsər Sahibləri Birliyinin (İLESAM) dəstəyi ilə tanınmış şair Ədalət Əsgəroğlunun (1957-2013) 60 illiyinə həsr edilmiş anma tədbiri keçirilib.
Çıxış edənlər şairin həyat və yaradıcılığından söz açıblar. Bildirilib ki, şairin “Yaz ilə gələn sevda”, “Mən sənə aşiqəm, dünya!”, “Sabahını itirməyən adamlar”, “Dərdimizin qan rəngi” və s. kitabları oxucuların rəğbətini qazanıb.
Bədii qiraət ustaları şairin şeirlərindən ibarət kompozisiya təqdim ediblər. Ədalət Əsgəroğlunun ölümündən sonra AYB-nin “aybKitab” layihəsi çərçivəsində nəşr olunan “Yaşamağın dadı” adlı kitabının təqdimatı keçirilib.
Şairin
oğlu Elşad Məmmədov
atasının xatirəsinə göstərilən ehtirama görə tədbirin təşkilatçılarına
və iştirakçılarına minnətdarlığını
bildirib.
Mədəniyyət.- 2017.- 13
yanvar.- S.14.