“Xarı bülbül” Qusar teatrının səhnəsində

Tamaşada 20 Yanvarda xalqımızın yaşadığı faciə öz əksini tapıb

Qusar Dövlət Ləzgi Dram Teatrı tamaşaçılara 20 Yanvar faciəsinin 27-ci ildönümü ilə əlaqədar yeni səhnə əsərini təqdim edəcək.

Ramiz Duyğunun ssenarisi əsasında hazırlanan “Xarı bülbül” tamaşasında 1990-cı il yanvarın 19-dan 20-nə keçən gecə xalqımızın yaşadığı faciə öz əksini tapacaq.

Yeni tamaşa üçün xüsusi dekorasiya hazırlanıb. 50-yə yaxın aktyorun yer aldığı tamaşanın quruluşçu rejissoru Bağır Əhmədovdur.

Bir aya yaxındır məşqləri gedən tamaşa yanvarın 19-u və 20-si Qusar Mədəniyyət Sarayının səhnəsində nümayiş etdiriləcək.

Mədəniyyət.- 2017.- 18 yanvar.- S. 11.