O, milyonlarla insanın sevimlisi idi

 

 

 

“Biz fəxr edirik ki, belə bir sənətkarın müasiri olaraq onun yaradıcılıq yolunu izləmək şansı qazanmışıq

 Avqustun 17-də görkəmli müğənni bəstəkar, SSRİ Xalq artisti Müslüm Maqomayevin (1942-2008) anadan olmasının 76-cı ili tamam oldu. Bu münasibətlə I Fəxri xiyabanda dünya şöhrətli musiqiçinin məzarı ziyarət olundu, abidəsi önünə əklil qoyuldu, tər çiçəklər düzüldü.

Mərasimdə mədəniyyət nazirinin birinci müavini Vaqif Əliyev, Rusiya Federasiyasının ölkəmizdəki səfiri Mixail Boçarnikov, Müslüm Maqomayevin həyat yoldaşı, SSRİ Xalq artisti Tamara Sinyavskaya, eləcə tanınmış incəsənət xadimləri, ictimaiyyət nümayəndələri iştirak edirdi.

Tədbirdə çıxış edən kinorejissor, Xalq artisti Eldar Quliyev bildirdi ki, bu gün mədəniyyətimiz üçün əlamətdar tarixdir. Azərbaycan Rusiya mədəniyyətinə böyük töhfələr vermiş unudulmaz Müslüm Maqomayevin doğum günüdür: “O öz ifası ilə milyonlarla insanın qəlbində yaşayır. Biz fəxr edirik ki, belə bir sənətkarın müasiri olaraq onun yaradıcılıq yolunu izləmək şansı qazanmışıq, ifalarından zövq almışıq. Onunla dost olmaq mənim üçün şərəf idi. Müslümlə bir vətəndaş, bir musiqiçi kimi fəxr edirəm”.

Teatr Xadimləri İttifaqının sədri, Xalq artisti Azərpaşa Nemətov Müslüm Maqomayevlə bağlı xatirələrini bölüşdü. Müğənni ilə Bülbül adına Orta ixtisas musiqi məktəbində birgə təhsil aldıqları illərə nəzər saldı. Görkəmli musiqiçinin populyarlıq qazanması ulduz kimi bütün dünyada parlamasından söz açdı.

Rusiyanın Azərbaycandakı səfiri Mixail Boçarnikov çıxışı zamanı diqqətə çatdırdı ki, bir sənətkar haqqında qədər çox danışırıqsa, onu bir o qədər yaxından tanıtmağa nail oluruq: “Müslüm Maqomayev milyonlarla insanın sevimlisi idi hər iki ölkəni sevərək tərənnüm edirdi. Onu sevirdilər, sevirlər sevəcəklər”.

Müğənninin həyat yoldaşı Tamara Sinyavskaya unudulmaz ifaçını yad etməyə gələn hər kəsə dərin təşəkkürünü bildirdi: “Mənim üçün Müslüm haqqında danışmaq çox çətindir. Çünki onu bir an belə unutmuram. Hər il onun ad günündə bura gələn, Müslümü unutmayan insanlara minnətdaram. Siz onun xatirəsini yaşadır, ondan danışır, onu gənc nəslə tanıdırsınız. Bu isə Müslümün xatirəsinin əbədi yaşaması deməkdir”.

Bakı Nobel İrsi Fondunun rəhbəri Toğrul Bağırov, Özbəkistandan gəlmiş müğənni Xurşənd Serov çıxışlarında Müslüm Maqomayevin unikal şəxsiyyət, təkrarsız ifaçı olduğunu vurğuladılar.

Qeyd edək ki, Müslüm Maqomayevin yaradıcılığı Azərbaycan mədəniyyəti tarixində xüsusi yer tutur. Onun səsinin sehri, zəngin yaradıcılığı unudulmaz sənət abidəsinə çevrilib. Sənətə vurğunluğu, dərin musiqi duyumu, yüksək səhnə mədəniyyəti onu Azərbaycan ifaçılıq sənətinin bir növ rəmzi kimi tanıdıb. Müslüm Maqomayev dünyanın ən möhtəşəm konsert salonlarındakı rəngarəng çıxışları ilə Azərbaycan mədəniyyətinə geniş şöhrət qazandırıb.

O, 1968-ci ildə Azərbaycan Dövlət Konservatoriyasını SSRİ Xalq artisti, professor Şövkət Məmmədovanın sinfində bitirib. 1963-cü ildən Azərbaycan Dövlət Akademik Opera Balet Teatrının solisti kimi fəaliyyətə başlayan Müslüm Maqomayevin C.RossinininSevilya bərbərioperasında yaratdığı Fiqaro obrazı ona böyük şöhrət gətirib.

Müğənninin ifasındaKoroğlu” (Ü.Hacıbəyli), “Şah İsmayıl” (M.Maqomayev), “Toska” (C.Puççini), “Aleko” (S.Raxmaninov) operalarından ariyalar,  Azərbaycan xarici ölkə bəstəkarlarının onlarca estrada mahnıları xüsusi yer tuturdu. Keçmiş SSRİ-nin ən populyar estrada müğənnilərindən biri olan Müslüm Maqomayev, sözün əsl mənasında, ümumxalq  məhəbbəti qazanmışdı.

Müslüm Maqomayev 1974-cü ildə təşkil etdiyi Azərbaycan Dövlət Estrada-Simfonik Orkestri ilə birgə ABŞ, Kanada, Fransa, Almaniya, Finlandiya, İsveçrə, İspaniya, İtaliya, Portuqaliya, Argentina, Braziliya, Polşa başqa ölkələrdə böyük uğurla çıxış edib.

Sənətkar 1973-cü ildə “SSRİ Xalq artistifəxri adına layiq görülüb, 1997-ci ildə AzərbaycanınŞöhrət”, 2002-ci ildəİstiqlalordenləri ilə təltif olunub.

 

LALƏ

 

Mədəniyyət.- 2018.- 22 avqust.- S.3.