Mədəni irsin təşkili və idarə olunmasında İtaliya ilə əməkdaşlıq

 

 

 

Nazir müavininin rəhbərlik etdiyi nümayəndə heyəti bu ölkədə səfərdədir

Azərbaycan Respublikası mədəniyyət nazirinin müavini Rafiq Bayramovun rəhbərlik etdiyi nümayəndə heyəti 12-14 dekabr tarixində İtaliyanın Pyemonte regionunda “İnteqrasiyalı idarəetmənin planlaşdırılması” mövzusunda Tvinninq layihəsində tərəfdaş olmuş İtaliya Mədəni İrs, Fəaliyyətlər və Turizm Nazirliyi ilə birgə hazırlanmış tədqiqat səfərindədir.

Səfərin əsas məqsədi “İnteqrasiyalı idarəetmə planı”nın icrası və ölkədə daha geniş miqyasda tətbiqinin yaxından araşdırılmasıdır. Nümayəndə heyəti Turində İtaliyanın Mədəni İrs, Fəaliyyətlər və Turizm Nazirliyinin əməkdaşları ilə “İtaliyada mədəni irsin təşkili və idarə olunması. Milli səviyyədən yerli səviyyəyə qədər” mövzusunda görüş keçiribbu ölkənin dövlət mədəniyyət müəssisələrinin fəaliyyətləri, onların planlaşdırılması və həyata keçirilməsi barədə ətraflı məlumat alıblar.

Nazirliyin nümayəndə heyəti həmçinin regionun AstiAlba əyalətlərinə də səfər edib, “Asti əyalətinin tarixi kəndləri” – tarixi mərkəzi ictimai yerlərin müasirləşdirilməsi layihəsi, eləcə də Qoriya FonduAsti Muzey Fondu, UNESCO-nun Dünya İrs Siyahısına daxil edilmiş Lanqe RoeroMonferrato əraziləri ilə tanış olub.

Qeyd edək ki, 2016-2018-ci illərdə həyata keçirilən “Mədəniyyət sektorunun siyasəti və idarə olunması sisteminin modernləşdirilməsində Azərbaycan Respublikasının Mədəniyyət Nazirliyinə dəstək” adlı Tvinninq layihəsinə əsasən İsmayıllı Regional Mədəniyyət İdarəsi pilot region müəyyən edilibİtaliya  təcrübəsi nəzərə alınaraq “İnteqrasiyalı idarəetmə planı” hazırlanıb.

 

Mədəniyyət.- 2018.- 14 dekabr.- S.1-2.