Beynəlxalq Muğam Mərkəzinin 10 illiyi qeyd olunacaq

Beynəlxalq Muğam Mərkəzinin fəaliyyətə başlamasının 10 ili tamam olur. Dekabrın 27-də Beynəlxalq Muğam Mərkəzində əlamətdar yubiley münasibətilə tədbir keçiriləcək.

Tədbirdə əvvəlcə mərkəzin muzey hissəsində Qədim musiqi alətləri ekspozisiyasının təqdimatı olacaq. Sonra görkəmli muğam ustadlarının büstlərinin qarşısında İnteraktiv lövhələr təqdim ediləcək.

Ardınca Müasir musiqi alətləri ekspozisiyasının təqdimatı keçiriləcək. Həmçinin foyedə Əsrlərin sədası ansamblının çıxışı olacaq.

Yubiley mərasimi Beynəlxalq Muğam Mərkəzinin salonunda muğam konserti ilə davam edəcək.

 

Mədəniyyət.- 2018.- 26 dekabr.- S.1.