“Ordum varsa
– yurdum var”
Azərbaycan Respublikası Silahlı Qüvvələrinin Təlim və Tədris Mərkəzinin klubunda F.Köçərli adına Respublika Uşaq Kitabxanası və Cəmşid Naxçıvanski adına Hərbi liseyin birgə təşkilatçılığı ilə Azərbaycan Ordusunun 100 illik yubileyinə həsr olunmuş “Açıq dərs – açıq fikir” layihəsi çərçivəsində “Ordum varsa – yurdum var” adlı tədbir keçirilib.
Hərbi liseyin rəisi, general-mayor
Bəkir Orucov ordumuzun tarixi haqqında danışıb. Respublika Uşaq
Kitabxanasının direktoru,
Əməkdar mədəniyyət
işçisi Şəhla
Qəmbərova “Açıq
dərs – açıq
fikir” layihəsi haqqında məlumat verib.
Sonra Cümhuriyyət
dövründə yaranmış
Milli Ordumuzun tarixini əhatə edən kompozisiya və sual-cavablar təqdim olunub. Kursantların hərb tariximiz haqqında suallara cavabları münsiflər
heyəti tərəfindən
qiymətləndirilib.
Fərqlənənlər diplom, fəxri fərman və hədiyyələrlə mükafatlandırılıb.
Tədbirdə tarixçi alim
Firdovsiyyə Əhmədova,
Ali Hərbi Akademiyanın
ehtiyatda olan polkovniki Mehman Süleymanov, tarixçi
professor Tofiq Nəcəfli,
Bakı Dövlət Universitetinin professoru Rafiq Qurbanov, digər qonaqlar iştirak edib.
Sonda qonaqlar
Respublika Uşaq
Kitabxanası tərəfindən tərtib edilmiş
“Ordum varsa – yurdum var” adlı kitab sərgisi ilə tanış olublar.
Mədəniyyət.- 2018.- 26
dekabr.- S.3.