Rusiya İnformasiya və Mədəniyyət Mərkəzində bayram tədbiri

Milli Mətbuat Günü ərəfəsində Bakıdakı Rusiya İnformasiya və Mədəniyyət Mərkəzində Azərbaycanın kütləvi informasiya vasitələrinin nümayəndələri ilə görüş keçirilib.

“Rossotrudniçestvo” agentliyinin Azərbaycandakı nümayəndəliyinin rəhbəri Valentin Denisov jurnalistləri peşə bayramı münasibətilə təbrik edib, onlara əməkdaşlıq üçün təşəkkürünü bildirib və yaradıcılıq uğurları arzulayıb. O, əsası 1875-ci il iyulun 22-də “Əkinçi” qəzetinin ilk nömrəsinin işıq üzü görməsi ilə qoyulmuş Azərbaycan jurnalistikasının yaranma tarixindən danışıb.

Beynəlxalq müsabiqələr laureatı Vüsal Aydəmirov və Sumqayıt şəhər Bülbül adına Uşaq incəsənət məktəbinin şagirdi Buta Maqsudova bayram tədbiri iştirakçıları qarşısında çıxış ediblər.

Mədəniyyət.- 2018.- 20 iyul.- S. 3.