Cümhuriyyətin 100 illik yubileyi münasibətilə
Mayın 31-də Bakı Xoreoqrafiya Akademiyası və Ü.Hacıbəyli adına Bakı Musiqi Akademiyasının (BMA) birgə təşkilatçılığı ilə BMA-nın böyük zalında Azərbaycan Xalq Cümhuriyyətinin 100 illik yubileyinə həsr olunmuş konsert keçirilib.
Hər iki tədris ocağının prorektorları, professor-müəllim və tələbə heyətlərinin iştirak etdiyi tədbiri giriş sözü ilə açan Bakı Xoreoqrafiya Akademiyasının Tələbə elmi cəmiyyətinin sədri Fatimə Alimova müsəlman Şərqində ilk respublika olan Xalq Cümhuriyyətinin tarixindən bəhs edib. Bildirib ki, Bakı Xoreoqrafiya Akademiyası da Şərq aləmində ilk professional xoreoqrafiya təhsili müəssisəsidir. F.Alimova Bakı Xoreoqrafiya Akademiyasının uğurlarından danışaraq, BMA ilə birgə həyata keçirilən layihələrdən söz açıb.
Sonra
söz musiqiçilərə verilib. Konsertdə BMA-nın Konsertmeyster ustalığı kafedrasının
baş müəllimi, sənətşünaslıq
üzrə fəlsəfə doktoru Nərmin
İbrahimovanın müşayiəti ilə Xalq
artisti Gülnaz
İsmayılova, Xalq artisti,
professor Zəhra Quliyeva,
gənc ifaçıların respublika
müsabiqəsinin diplomantı İsmayıl Əsədov
çıxış ediblər. Proqramda
S.Raxmaninov, N.Rimski-Korsakov,
Q.Qarayev və S.İbrahimovanın
romansları, eləcə də C.Puççininin
"Laurettanın ariyası", Q.Qarayevin
skripka və fortepiano üçün "Sonata"sı, P.Venyavskinin skripka və fortepiano üçün
"Konsert"i və
digər klassik irs
nümunələri səsləndirilib.
Mədəniyyət.- 2018.- 1 iyun.-
S.5.