Musiqi məktəbinin 30 illik yubileyi münasibətilə konsert

 

Bakı Şəhər Mədəniyyət Baş İdarəsinin 36 nömrəli Uşaq musiqi məktəbi Rəşid Behbudov adına Dövlət Mahnı Teatrında 30 illik yubileyinə həsr olunmuş hesabat konserti keçirib.

Tədbirdə Bakı Şəhər Mədəniyyət Baş İdarəsinin rəisi Vüqar Zeynalov, Mədəni tədbirlərin təşkili və yaradıcı gənclərlə üzrə mərkəzin direktoru Hacı Əliyev, Bakı şəhər musiqi məktəblərinin direktorları və digər qonaqlar iştirak ediblər.

Şagirdlərin ifasında F.Əmirovun Bulaq başında, S.Ələsgərovun Şalaxo, H.Vəkilovun Şıdırğı, P.İ.Çaykovskinin İlin fəsilləri məcmuəsindən Aprel, A.Piazzollanın Libertango və digər bəstəkarların əsərləri səsləndirilib.

Məktəbin məzunu, Əməkdar artist Anar Şuşalı Asəf Zeynallının Ölkəm romansını ifa edib.

Sonda baş idarənin rəisi Vüqar Zeynalov çıxış edərək yubiley münasibətilə kollektivi təbrik edib, məktəbin müəllimlərini fəxri fərmanlarla təltif edib.

Məktəbin direktoru Oqtay Muxtarov təhsil ocağının fəaliyyəti, əldə olunan nailiyyətlərdən danışıb, göstərilən diqqətə görə təşəkkürünü bildirib.

 

 

Mədəniyyət.- 2018.- 6 iyun.- S.2.