Milli Qurtuluş Günü münasibətilə konsert və sərgilər
Qara Qarayev adına Mərkəzi
İncəsənət Məktəbində 15 iyun – Milli
Qurtuluş Gününə həsr olunmuş konsert
keçirilib.
Nəzəriyyə və
orkestr şöbəsinin müəllimi Reqina Məcidova tədbiri
açaraq bu tarixi günün əhəmiyyətindən bəhs
edib. Sonra söz musiqiyə verilib. Proqramda məktəbin Orkestr
alətləri şöbəsinin müxtəlif sinif şagirdləri Qara Qarayevin əsərlərini ifa
ediblər.
* * *
Xaçmaz Regional Mədəniyyət İdarəsinin Siyəzən
rayon nümayəndəliyinin təşkilatçılığı
ilə rayondakı Heydər Əliyev Mərkəzində Milli Qurtuluş
Gününə həsr edilmiş sərgi
açılıb.
Sərgidə
Siyəzən rayon Uşaq
incəsənət məktəbinin müəllimi Elman Məmmədovun, rayon
Mədəniyyət mərkəzində fəaliyyət
göstərən rəsm dərnəyinin müəllimi Ləman
Tağıyevanın, dekorativ sənətə
və rəssamlığa həvəsi olan gənc
Ayşən Novruzovanın əl işləri nümayiş
etdirilib.
* * *
İyunun 14-də Milli Kitabxanada Milli Qurtuluş Günü münasibətilə sərgi təşkil
olunub.
Tədbirdə
Milli Kitabxananın direktoru
Kərim Tahirov, AMEA-nın Fəlsəfə
İnstitutu Davamlı inkişafın fəlsəfəsi
şöbəsinin müdiri professor Sakit Hüseynov çıxış edərək ulu öndər Heydər
Əliyevin 1993-cü ilin 15 iyununda hakimiyyətə
qayıdışının Azərbaycanın müstəqillik
və dövlətçilik
tarixində müstəsna yerindən söz
açıblar.
Kitab sərgisində
böyük siyasətçinin fəaliyyətini
əks etdirən Azərbaycan, rus, ingilis və digər dillərdə 200-ə
yaxın ədəbiyyat nümayiş olunub.
Mədəniyyət.- 2018.-
15 iyun.- S.2.