Akademik Milli Dram Teatrında Manqurtun premyerası

Azərbaycan Dövlət Akademik Milli Dram Teatrının Abbas Mirzə Şərifzadə səhnəsində Manqurt tamaşasının premyerası olub.

Teatrın mətbuat xidmətindən verilən məlumata görə, qırğız yazıçısı Çingiz Aytmatovun Gün var əsrə bərabər romanının motivləri əsasında hazırlanan səhnə əsərinin bədii rəhbəri Anar Babalı, rejissoru Azərbaycan Dövlət Mədəniyyət İncəsənət Universitetinin məzunu İzamə Babayeva, rəssamı Əməkdar mədəniyyət işçisi İlham Elxanoğludur.

Birhissəli epik rəvayət olan səhnə əsərində əməkdar artistlər Mehriban Xanlarova, Elşən Rüstəmov, aktyorlar Ramin Şıxəliyev, İmran Ali Qurban Fərid Vəliyev iştirak ediblər.

Maraqlı səhnə yozumu dekorasiya həlli ilə yadda qalan tamaşa alqışlarla qarşılanıb.

 

 

Mədəniyyət.- 2018.- 15 iyun.- S.6.