Gəncədə Xalq
Cümhuriyyətinə həsr olunmuş
beynəlxalq konfrans
İyunun 28-də Gəncə şəhərində
“Azərbaycan Xalq Cümhuriyyəti: Azərbaycan dövlətçilik
tarixinin parlaq səhifəsi” mövzusunda beynəlxalq
elmi-praktik konfransın açılışı olub.
AMEA-nın A.Bakıxanov adına Tarix
İnstitutu, Türkiyə Cümhuriyyəti Atatürk
Araşdırma Mərkəzi, Türkiyənin Azərbaycandakı
səfirliyi və Gəncə Şəhər İcra Hakimiyyətinin
birgə təşkil etdikləri konfrans Heydər Əliyev Mərkəzində
keçirilir.
Konfransa 20 ölkədən tarixçi
alimlər qatılıb.
Konfransdan əvvəl AMEA-nın Tarix
İnstitutunun nəşrlərinin sərgisi nümayiş
olunub.
Qeyd edək ki, üç gün davam edəcək
konfransın bölmə iclasları Azərbaycan Xalq
Cümhuriyyəti hökumətinin fəaliyyət göstərdiyi
tarixi binada – Azərbaycan Dövlət Aqrar Universitetinin əsas
binasında və AMEA-nın Gəncə Bölməsində
keçiriləcək.
Elmi-praktik konfrans çərçivəsində
Gəncənin tarixi və mədəniyyət mərkəzləri
ilə tanışlıq, Göygöl Milli Parkına səyahət
və Fikrət Əmirov adına Gəncə Dövlət
Filarmoniyasında geniş konsert proqramının təşkili
də nəzərdə tutulur.
Mədəniyyət.-
2018.- 29 iyun.- S.4.