“Biz
kitabla birlikdə yüksəlirik!”
Kitabxanada festival təşkil
edilib
Mayın 11-də paytaxtın Sabunçu rayonunun Mərkəzi kitabxanası “Biz kitabla birlikdə yüksəlirik!”
adlı festival təşkil
edib.
Tədbirin açılışında çıxış edən
Sabunçu rayon MKS-nin
direktoru Nəcibə Hüseynova bildirib ki, sosial layihə
bütün yaş həddindən olan uşaqlar arasında mütaliənin populyarlaşdırılmasına
istiqamətlənib. “Biz kitabla birlikdə yüksəlirik!” adlı festivalda Mərkəzi kitabxananın və kitabxana filiallarının
işçiləri, Sabunçu
rayonu ərazisində
yerləşən 5, 67, 69, 75, 107, 108, 113,
170, 198 və 309 saylı
orta məktəblərin
müəllim və şagird kollektivi və həmçinin valideynlər iştirak ediblər. Məktəb kollektivləri və
valideynlər uşaqların
mənəvi aləminin
zənginləşməsində kitabların mühüm rolu haqqında fikirlərini bölüşüblər,
belə tədbirlərin
mütəmadi təşkil
olunmasının zəruriliyini
vurğulayıblar.
Festival çərçivəsində
şagirdlərin ifasında
“Kitabxanada” adlı səhnəcik, rəsm sərgiləri nümayiş
olunub, 12 saylı kitabxananın fəal oxucuları Əmin Əfəndiyevin “Cırtdanın
kitabxanaya səyahəti”
poemasından parçalar
səsləndiriblər. Daha sonra
festivalın iştirakçısı
olan şagirdlər asfalt üzərində müxtəlif mövzularda
rəsmlər çəkiblər.
Lalə Azəri
Mədəniyyət.- 2018.- 16 may.-
S.13.