Bayraq bizi birləşdirən dəyərdir
İstiqlal tariximizə və üçrəngli
bayrağımıza həsr olunmuş “Sevdiyim” layihəsinin təqdimatı keçirildi
Mayın 11-də Nizami Kino Mərkəzində ümummilli lider Heydər Əliyevin anadan olmasının 95, Azərbaycan Xalq Cümhuriyyətinin yaranmasının 100 illik yubileylərinə həsr olunmuş “Sevdiyim” layihəsinin təqdimat mərasimi keçirildi.
Tədbirdə Azərbaycan Respublikası Prezidentinin hüquq mühafizə orqanları ilə iş və hərbi məsələlər üzrə köməkçisi - şöbə müdiri Fuad Ələsgərov, mədəniyyət naziri Əbülfəs Qarayev, gənclər və idman naziri Azad Rəhimov, digər rəsmilər iştirak edirdilər.
Mərasim Azərbaycanın dövlət himninin səsləndirilməsi ilə başladı.
“ASAN Radio”nun direktoru Emin Musəvi layihə haqqında məlumat verdi. Bildirdi
ki, “Sevdiyim” layihəsi “ASAN Xidmət”,
“ASAN Könüllüləri” Təşkilatı və
“ASAN Radio”nun birgə təşkilatçılığı ilə reallaşıb. Layihənin məqsədi tarixi ənənələrin qorunması
və təbliği, milli-mənəvi dəyərlərə
sadiqlik, azərbaycançılıq,
dövlətçilik məfkurəsinin
genişləndirilməsidir. Layihə çərçivəsində görkəmli ədib Cəfər Cabbarlının
Azərbaycan bayrağına
həsr olunmuş “Sevdiyim” şeiri əsasında klip ərsəyə gəlib.
Əsərin bəstəkarı və ifaçısı Əməkdar artist Tünzalə
Ağayeva, klipin rejissoru Ülviyyə Könüldür.
***
Mərasimdə
çıxış edən
Azərbaycan Respublikası
Prezidentinin köməkçisi
Fuad Ələsgərov
qeyd etdi ki, üçrəngli bayrağımız dövlət
rəmzi kimi ilk dəfə Azərbaycan Xalq Cümhuriyyəti Hökuməti tərəfindən
1918-ci il noyabrın 9-da təsdiq edilib. Cümhuriyyətin süqutundan (1920) sonra xalqımız bu bayrağı öz qəlbində yaşadıb
və 70 il
sonra ona bir daha sahib çıxıb. 1990-cı il noyabrın 17-də
ümummilli lider Heydər Əliyevin sədrliyi ilə Naxçıvan Muxtar Respublikası Ali Məclisinin
sessiyasında üçrəngli
bayrağımız muxtar
respublikanın rəmzi
olaraq təsdiq edilib: “Bu, çox cəsarətli və fədakar addım idi. Çünki o zaman Azərbaycan
hələ də Sovet İttifaqının tərkibində idi. Azərbaycan Prezidenti İlham Əliyevin dediyi kimi, bizim müstəqilliyə
gedən yolumuz həmin gündən başlamışdır”.
Fuad Ələsgərov qeyd etdi ki,
ümummilli lider Heydər Əliyev üçrəngli bayrağımıza
sadəcə dövlət
rəmzi kimi yox, dünya azərbaycanlılarını birləşdirən
simvol kimi dəyər verirdi. O
deyirdi: “Kim Azərbaycanı
sevirsə, Azərbaycanın
müstəqil dövlət
olmasını, işğal
edilmiş torpaqlarının
azad olunmasını, ölkəmizin ərazi bütövlüyünün bərpa
olunmasını istəyirsə,
o, bu bayraq altında birləşməlidir”.
Diqqətə çatdırıldı
ki, 1991-ci il
fevralın 5-də Azərbaycan
Respublikasının Ali Soveti
“Dövlət bayrağı
haqqında” Qanun qəbul edərək üçrəngli bayrağı
dövlət rəmzi
elan edib. 1991-ci il oktyabrın
18-də qəbul edilmiş
“Dövlət müstəqilliyi
haqqında” Konstitusiya
Aktı ilə Azərbaycan Respublikası
Azərbaycan Xalq Cümhuriyyətinin varisi kimi onun dövlət
rəmzlərini, o cümlədən
dövlət bayrağını
bərpa edib. Prezident İlham Əliyevin 2009-cu il
noyabrın 17-də imzaladığı
sərəncamla 9 noyabr
Dövlət Bayrağı
Günü kimi qeyd olunur. Prezidentin
2007-ci il 17 noyabr tarixli sərəncamına əsasən
Bakıda Dövlət
Bayrağı meydanının
yaradılması milli
rəmzimizə ehtiramın
daha bir nümunəsidir.
Fuad Ələsgərov bildirdi ki, Azərbaycan
üçrəngli bayrağın
altında müstəqil
inkişaf yolunu davam etdirir. Prezident İlham Əliyevin söylədiyi kimi, Xalq Cümhuriyyətinin qurucuları Azərbaycanı
görsəydilər, fəxr
edərdilər. Bu gün üçrəngli
bayrağımız BMT-nin
binası önündə,
digər nüfuzlu beynəlxalq təşkilatlarda
dalğalanır.
Prezidentin köməkçisi daha sonra dedi: “Azərbaycan
Ordusu 2016-cı ilin aprel döyüşlərində
üçrəngli bayrağımızı
düşməndən azad
edilmiş torpaqlarda ucaltdı. Əminik ki, çox
yaxın zamanlarda, Azərbaycanın dahi dramaturqu Cəfər Cabbarlının sözləri
ilə desək, “yaşıl donlu, mavi gözlü, al yanaqlı” bayrağımız
Şuşada, bütün
Qarabağda dalğalanacaq”.
Fuad Ələsgərov layihənin ərsəyə
gəlməsində əməyi
olan bütün yaradıcı heyətə
təşəkkürünü bildirdi.
***
Mədəniyyət naziri Əbülfəs
Qarayev çıxış
edərək layihənin
əhəmiyyətini yüksək
qiymətləndirdi. Bu
günlər dünya
azərbaycanlılarının ulu öndər Heydər Əliyevin anadan olmasının 95 illiyini geniş şəkildə qeyd etdiyini söyləyən nazir ümummilli liderin Azərbaycan dövləti və xalqı qarşısında
müstəsna xidmətlərindən
bəhs etdi. Vurğuladı ki, Azərbaycanın dövlət
müstəqilliyinin bərpası
ərəfəsində gedən
prosesdə Heydər Əliyev dahi şəxsiyyət, lider olaraq xalqımızın taleyinə təsir göstərən tarixi addımlar atıb: “Ümummilli lider Azərbaycanı məhv olmaq, müstəqilliyini itirmək təhlükəsindən
xilas etdi. Onun Azərbaycana rəhbərliyinin
hər iki dövründə gördüyü
misilsiz işlər heç vaxt unudulmayacaq. Ulu öndər dövlət
rəmzlərini, xüsusən,
dövlət bayrağını
həmişə diqqət
mərkəzində saxlayıb.
O, Azərbaycan Respublikasının
dövlət rəmzlərinə
hörməti Vətənə,
xalqa, dövlətə
olan məhəbbət
və hörmətə
bərabər tuturdu. Bu gün Heydər
Əliyevin siyasəti
Prezident İlham Əliyev tərəfindən
uğurla davam etdirilir. Dövlətimizin başçısının həyata keçirdiyi siyasət, irəli sürdüyü hər bir təşəbbüs ölkəmizi daha da inkişaf etdirir, daha parlaq
gələcəyə aparır”.
***
Gənclər və idman naziri
Azad Rəhimov bildirdi ki, 2018-ci il
ölkəmizin ictimai-siyasi
həyatında əlamətdar
hadisələrlə zəngindir.
Ümummilli lider Heydər
Əliyevin anadan olmasının 95, Azərbaycan
Xalq Cümhuriyyətinin,
ordumuzun, parlamentimizin
100 illik yubileyləri belə mühüm tədbirlərdəndir. Azərbaycan
son 100 ildə çox
çətin tarixi proseslərdən keçsə
də, hazırda öz tarixinin ən şanlı səhifələrini yaşayır:
“Ümummilli liderimizin
uzaqgörənliyi, müdrikliyi
və əzmkarlığı
nəticəsində Azərbaycanın
müstəqilliyi əbədi
və sarsılmaz olub. Heydər Əliyevin həyatı
və fəaliyyəti
Azərbaycanın müstəqil
olmasına yönəlmişdi.
Ulu öndər gənclərin
milli ruhda böyüməsi, onlara vətənpərvərlik hislərinin
aşılanması məsələsini
daim diqqətdə saxlayırdı”.
Prezident yanında Vətəndaşlara
Xidmət və Sosial İnnovasiyalar üzrə Dövlət Agentliyinin (“ASAN Xidmət”)
sədri Ülvi Mehdiyev qeyd etdi
ki, ulu öndərin
95 illiyi və Azərbaycan Xalq Cümhuriyyətinin 100 illiyi
önəmli hadisələrdir.
Bu gün Heydər
Əliyev və Xalq Cümhuriyyətini birləşdirən bir çox məqamlar var. Bu məqamlardan ən əsası isə Azərbaycan bayrağıdır.
Cümhuriyyətin süqutu ilə
üçrəngli bayrağımız
endirilsə də, ulu öndər Heydər Əliyev əsrin sonunda bayrağımızı yenidən
ucaltdı.
***
Çıxışlardan sonra C.Cabbarlının
“Sevdiyim” şeiri əsasında yüzillik tariximizin əks olunduğu klip təqdim olundu.
Əməkdar
artist Tünzalə Ağayeva
kliplə bağlı
təəssüratlarını bölüşdü: “Biz xoşbəxt
xalqıq ki, istiqlalımızın 100 yaşını
qeyd edirik. 95 illiyini qeyd
etdiyimiz ümummilli liderin əziz xatirəsi həmişə
qəlbimizdədir və
onun “Mən həmişə fəxr etmişəm, bu gün də fəxr edirəm ki, mən azərbaycanlıyam”
sözləri bizə
ruh verir”.
Klipin rejissoru Ülviyyə
Könül belə mühüm bir layihədə iştirak etməkdən qürur duyduğunu bildirdi.
Tədbir konsert proqramı
ilə başa çatdı.
Fariz Hüseynov
Mədəniyyət.- 2018.- 16 may.-
S.5.