Cümhuriyyətin yubileyi şərəfinə Türkiyədə xatirə sikkəsi buraxılıb

Ölkəmizin İstanbuldakı baş konsulluğunun təşəbbüsü ilə Azərbaycan Xalq Cümhuriyyətinin 100 illiyinə həsr olunan "İyirmi lirə" xatirə gümüş pul sikkəsi buraxılıb.

Gümüş pul sikkəsindən cəmi 2000 ədəd basılıb. Bu barədə razılıq baş konsul Məsim Hacıyevlə Türkiyənin Dövlət Dəftərxana və Damğa mətbəəsinin müdiri Sadettin Parmaksız arasında 2017-ci ildə keçirilmiş görüşdə əldə olunub.

Xatirə pulunun "Azərbaycan Xalq Cümhuriyyətinin yüz ili" yazılmış üzündə dövlət gerbimiz, üstündə üçrəngli bayrağımızın forması olan xəritəmiz, Qız qalası və neft buruqlarının əksi həkk olunub.

Xatirə pulunun eskizi professor Rafiq Əzizov tərəfindən hazırlanıb.

Mədəniyyət.- 2018.- 23 may.- S.12.