Respublika Günü
Ankarada konsert proqramı ilə qeyd olundu
Mayın 27-də Türkiyənin paytaxtı Ankarada Azərbaycanın Respublika
Günü və Xalq Cümhuriyyətinin
100-cü ildönümünə həsr edilmiş konsert proqramı keçirildi. Əsası Məhəmməd
Əmin Rəsulzadə
tərəfindən qoyulan
Azərbaycan Kültür
Dərnəyinin təşkilatçılığı
ilə baş tutan tədbirdə Türkiyənin dövlət
adamları və mədəniyyət xadimləri,
Azərbaycan diasporunun
nümayəndələri, ziyalılar, media nümayəndələri
iştirak edirdi.
Mərasimdə çıxış edən Türkiyə Prezidentinin baş müşaviri Yalçın
Topçu iki qardaş ölkənin bütün sahələrdə
yüksək səviyyəli
tərəfdaşlıq əlaqələrindən
söz açdı.
Bildirdi ki, Ankara və Bakının mədəni,
ticarət və siyasi yüksəlişi ölkələrimizi bütün
İslam və Türk dünyasının
lokomotivinə çevirəcək.
Azərbaycan Kültür Dərnəyinin
rəhbəri Cəmil
Ünal isə may ayının həm Türkiyə, həm də Azərbaycan üçün əhəmiyyətli
bir ay olduğunu vurğuladı. Bildirdi ki, 19 mayda Mustafa Kamal paşanın rəhbərliyi ilə Türkiyə Cümhuriyyətinin
quruculuğu yolunda qurtuluş mücadiləsi
başlanıb, 28 mayda
isə Məhəmməd
Əmin Rəsulzadənin
rəhbərliyi altında
Milli Şura Azərbaycanın müstəqilliyini
elan edib.
Tədbirin bədii hissəsində Azərbaycan Kültür Dərnəyinin folklor ansamblı çıxış etdi. Konsertdə Abdulla Qurbaninin rəhbərlik etdiyi ansamblın müşayiəti ilə tanınmış azərbaycanlı sənətçilər Arzu Qurbani və Cavid Təbrizlinin ifaları dinlənildi, milli Azərbaycan rəqsləri nümayiş olundu. Konsert proqramı izləyicilərin sürəkli alqışları ilə qarşılandı.
Mehparə Sultanova
Ankara
Mədəniyyət.-
2018.- 30 may.- S.10.