“Ailəliklə kitabxanaya” – mütaliənin təbliği, asudə vaxtın səmərəli təşkili

 

 

 

Ailə, Qadın və Uşaq Problemləri üzrə Dövlət Komitəsi, Mədəniyyət NazirliyiBilik Fondunun birgə təşkilatçılığı ilə noyabrın 15-də “Ailəliklə kitabxanaya” layihəsinə start verilib.

Milli Kitabxanada keçirilən tədbirdə Dövlət Komitəsinin sədr müavini Aynur Sofiyeva layihənin məqsədi barədə məlumat verib. Bildirib ki, əsas məqsəd cəmiyyətin diqqətinin mütaliəyə cəlb olunması, ailədə mütaliə ənənəsinin təbliği, mütaliə vasitəsilə ailənin sosialpsixoloji funksiyalarının möhkəmləndirilməsi, eləcə də asudə vaxtın mənalı, səmərəli və düzgün nizamlanmasıdır.

Bilik Fondunun icraçı direktoru Oktay Səmədov layihənin faydalarından bəhs edərək ailə institutunun möhkəmlənməsində mütaliənin rolundan danışıb. Qeyd edib ki, ailə üzvlərinin bir-biri ilə daim ünsiyyətdə olması vacibdir. Kitab oxumaqla, kitabların müzakirəsi ilə bu ünsiyyəti qurmaq mümkündür.

Azərbaycan Milli Kitabxanasının direktoru Kərim Tahirov ailənin möhkəm təməllər üzərində qurulması üçün belə maarifləndirici layihələrin həyata keçirilməsinin məqsədəuyğun olduğunu deyib. Tədbirdə digər çıxış edənlər layihənin əhəmiyyəti barədə fikirlərini bildiriblər.

 

Mədəniyyət.- 2018.- 16 noyabr.- S.1.