Firəngiz Əlizadənin əsərlərinin yeni nəşrləri Avropada

 

Bəstəkarlar İttifaqının sədri, Xalq artisti, UNESCO-nun Sülh artisti Firəngiz Əlizadənin bir sıra partituraları Almaniyanın və İsveçrənin nüfuzlu nəşriyyatları tərəfindən 2018-ci ildə Yeni nəşrlər qrifi altında işıq üzü görüb.

Bəstəkarlar İttifaqının mətbuat xidmətindən bildirilib ki, bu silsiləyə yalnız çox böyük tələbat olangeniş ifa edilən əsərlər daxil edilib. Bu əsərlərin hər birini ayrı-ayrılıqda Masterpiece öz janrında şah əsər saymaq olar. Bununla yanaşı, bu il yeni mövsümdə Avropa musiqi mağazalarının rəflərində və musiqi məhsullarının müxtəlif sərgi-yarmarkalarında Firəngiz Əlizadənin Oyan!, İmpulse, Concerto for Marimba and Orchestra, Dastan, Landscape əsərlərinin not yazıları, həmçinin möhtəşəm Nasimi Passionun partiturası yer alıb.

Xatırladaq ki, Firəngiz Əlizadənin bir çox digər partituraları Almaniya, Fransa və İsveçrədə əvvəllər də nəşr edilib.

 

Mədəniyyət.- 2018.- 12 oktyabr.- S.4.