Bakıda caz havasının son günləri

 

 

Oktyabrın 14-dən müxtəlif ölkələrdən tanınmış ifaçı kollektivlərin iştirakı ilə davam edən Bakı Caz Festivalının konsert proqramları sona çatmaq üzrədir. Festival Mədəniyyət Nazirliyi, “Jazz dünyasıjurnalı, eləcə “A+A Events” şirkəti “The Landmark Hotel Baku”nun təşkilatçılığı ilə gerçəkləşir.

Oktyabrın 19-da “Rotunda Jazz Club”da festival çərçivəsində növbəti konsert keçirilib. Gecədə Estoniyanı təmsil edən “Laura Poldvere Trio” qrupunun ifasında musiqilər səslənib. Qrupun üzvləri arasında həm Estoniya, həm Azərbaycan musiqiçiləri yer alıb. “Laura Poldvere Trio”nun çıxışı tamaşaçılar tərəfindən maraqla qarşılanıb.

Şənbə günü eyni məkanda Fransanın ölkəmizdəki səfirliyi Azərbaycanda Fransız İnstitutunun dəstəyi iləİnitiativesfransız caz triosunun konserti olub.

Tanınmış pianoçu Jan-Kristof Şolenin başçılıq etdiyi qrupa Gildas Bokle (kontrabas) Simon Berni (zərb alətləri) daxildir.

“Bu, Bakıya ilk gəlişimizdir. Paytaxtınıza valeh oldum, romantik ab-havası ilə mənə Parisi xatırladır. Bakılı tamaşaçıların cazı qiymətləndirməsi bu janrı duyması sevindiricidir. Əminəm ki, bizim çıxışımız da dinləyicilərin xoşuna gələcək”, - deyə Jan-Kristof Şole konsertdən öncə keçirilən mətbuat konfransında bildirib.

Caz festivalının koordinatoru Leyla Əfəndiyeva diqqətə çatdırıb ki, gələcəkdə fransız caz ifaçıları ilə bir çox birgə layihələr nəzərdə tutulur. O, Fransa səfirliyinə festivalın keçirilməsində göstərdiyi köməyə görə təşəkkürünü bildirib.

İnitiativestriosunun təqdim etdiyi kompozisiya improvizələr caz həvəskarlarında rəğbət doğurub.

Oktyabrın 22-də “Rotunda Jazz Club”da Azərbaycan caz musiqisi axşamı təşkil olunub. İstedadlı cazmenlər Nurlan Abdullazadə, Əfqan Rəsulun triosu Elvin Bəşirovun qrupu tamaşaçılar qarşısında çıxış ediblər. Onların ifasında populyar caz hitlərinin improvizələri müəllif kompozisiyaları səslənib.

Xatırladaq ki, Bakı Caz Festivalı oktyabrın 28-də başa çatacaq.

 

FARİ

 

Mədəniyyət.- 2018.- 24 oktyabr.- S.8.