“Müharibə miniatürləri”

Qarabağ savaşının həyatımızdakı izlərindən bəhs edir

Tanınmış jurnalist-publisist Ramilə Qurbanlının “Müharibə miniatürləri” adlı yeni kitabı işıq üzü görüb.

Qarabağ savaşından bəhs edən kitabda ilk baxışda ayrı-ayrı görünən, amma daxilən bir-biri ilə bağlı olan həyat hadisələri təsvir olunub.

“Kitabda müharibənin insan həyatında buraxdığı izlərdən, insan psixologiyasına təsirindən yazmışam. O hadisələri təsvir etdim ki, orda bu həqiqətlər öz əksini tapır. Məhz həqiqətlər!”, - deyə müəllif bildirib.

Ramilə Qurbanlı Cəbrayıl rayonunda anadan olub. M.F.Axundov adına Azərbaycan Pedaqoji Rus dili və Ədəbiyyatı İnstitutunu (indiki Bakı Slavyan Universiteti) bitirib. 1995-ci ildə “Ədəbiyyat qəzeti”ndə jurnalistika fəaliyyətinə başlayıb, müxtəlif qəzet və saytlarda çalışıb. Hazırda Prezident yanında Bilik Fondunda aparıcı məsləhətçi vəzifəsində işləyir. Azərbaycan Jurnalistlər Birliyinin və Teatr Xadimləri İttifaqının üzvüdür. “33 pərdəli dram”, eləcə də Leyla Bədirbəyli, Lütfəli Abdullayev, Əliağa Ağayev, Ələsgər Ələkbərov haqqında kitabların müəllifidir.

Mədəniyyət.- 2018.- 5 sentyabr.- S.13.